வைரலாகும் கமல்ஹாசனின் இந்தியன் -2 படத்தின் புதிய புகைப்படம்!

 

இயக்குனர் ஷங்கர் இயக்கத்தில் கமல்ஹாசன் இரட்டை வேடத்தில் நடித்திருந்த இந்தியன் திரைப்படம் ரசிகர்களிடம் பெரும் வரவேற்பை பெற்றது. இதனைத் தொடர்ந்து 25 வருடங்களுக்கு பிறகு மீண்டும் ஷங்கர் இயக்கத்தில் இந்தியன் படத்தின் இரண்டாம் பாகம் உருவாகி வருகிறது. 

இந்தியன் -2 இந்த படத்தில் கமலுடன் இணைந்து சமுத்திரக்கனி, பாபி சிம்கா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் உள்ளிட்ட பலர் முக்கிய கதாபாத்திரங்களில் நடித்து வருகின்றனர். 

இப்படத்தை லைகா நிறுவனம் தயாரிக்கிறது.  இப்படத்திற்கு அனிருத் இசையமைக்கிறார்.  படத்தின் படப்பிடிப்பு பல்வேறு கட்டங்களாக நடைபெற்று வரும் நிலையில்  இந்தியன் -2 திரைப்படத்தின் புதிய அப்டேட் வெளியாகியுள்ளது. அதன்படி, இப்படத்தின் சண்டை பயிற்சி குழுவினரை நடிகர் கமல்ஹாசன் சந்திக்கும் புகைப்படம் தற்போது சமூக வலைதளத்தில் வெளியாகி வைரலாகி வருகிறது.