முஸ்லிம் இன சிறுபான்மையினரை சீனா தடுத்து வைத்திருப்பது மனிதகுலத்திற்கு எதிரானது: ஐ.நா. மனித உரிமைகள்!
சின்ஜியாங்கின் வடமேற்குப் பகுதியில் உய்குர் மற்றும் பிற பெரும்பான்மையான முஸ்லிம் இன சிறுபான்மையினரை சீனா தடுத்து வைத்திருப்பது மனிதகுலத்திற்கு எதிரான குற்றங்கள் என்று ஐக்கிய நாடுகளின் மனித உரிமைகள் அலுவலகம் தெரிவித்துள்ளது.
நேற்று (புதன்கிழமை) பிற்பகுதியில் நீண்ட தாமதமான அறிக்கையில் ஐக்கிய நாடுகளின் மனித உரிமைகள் அலுவலகம் இதனைத் தெரிவித்தது.
45-பக்க அறிக்கையில், சீனா தன்னிச்சையாக சுதந்திரம் பறிக்கப்பட்ட அனைத்து நபர்களையும் உடனடியாக விடுவிக்கவும், அவர்களது குடும்பங்களை கண்டுபிடிக்க முடியாமல் போனவர்களின் இருப்பிடத்தை தெளிவுபடுத்தவும் மற்றும் உள்நாட்டுப் பாதுகாப்பு தொடர்பான சட்டங்களின் முழு மதிப்பாய்வு மேற்கொள்ளவும் மற்றும் அனைத்து பாரபட்சமான சட்டங்களையும் ரத்து செய்ய வேண்டும் எனவும் அழைப்பு விடுத்துள்ளது.
ஐ.நா மனித உரிமைகள் தலைவர் மிச்செல் பச்லெட்டின் பதவிக்காலம் முடிவடைவதற்கு 13 நிமிடங்களுக்கு முன்னர் வெளியிடப்பட்ட இந்த ஆவணம், நான்கு ஆண்டுகளுக்குப் பிறகு, ஒரு மில்லியனுக்கும் அதிகமான மக்கள் ஒரு வலையமைப்பில் தடுத்து வைக்கப்பட்டுள்ளதை வெளிப்படுத்திய இனப் பாகுபாடு ஒழிப்புக்கான வெளிப்பாடாக பார்க்கப்படுகின்றது.
அமெரிக்கா, பிரித்தானியா, கனடா மற்றும் பிரான்ஸ் நாடாளுமன்றங்களும் சீனாவின் உய்குர்களை ‘இனப்படுகொலை’ என்று முத்திரை குத்தியுள்ளன.
