உலகிலேயே முதல்முறையாக ஹைட்ரஜனை எரிபொருளாகக் கொண்டு இயங்கும் ரயில் சேவை ஜேர்மனியில் ஆரம்பம்!
உலகிலேயே முதல்முறையாக ஹைட்ரஜனை எரிபொருளாகக் கொண்டு இயங்கும் இரயில்களின் சேவை ஜேர்மனியில் நேற்று (புதன்கிழமை) தொடங்கப்பட்டது.
லோயர் சாக்ஸோனி மாகாணத்துக்கு வழங்கப்பட்டுள்ள 14 ஹைட்ரஜன் ரயில்கள் மூலம், 4 நகரங்களை இணைக்கும் 100 கி.மீ. இரயில் பாதையில் இந்த சேவை வழங்கப்படுகிறது.
பிரெஞ்சு நிறுவனமான அல்ஸ்டோம் தயாரித்த ரயில்கள், குக்ஸ்ஹவன், ப்ரெமர்ஹேவன், ப்ரெமர்வோர்டே மற்றும் பக்ஸ்டெஹூட் ஆகிய வடக்கு நகரங்களுக்கு இடையேயான வழித்தடங்களில் பிராந்திய ரயில் நிறுவனமான எல்.என்.வி.ஜி.ஆல் இயக்கப்படுகிறது.
இதுவரை பயன்படுத்தப்பட்ட டீசல் இரயில்களுக்கு மாற்றாக, புவியை வெப்பமாக்கும் வாயுக்களை முற்றிலும் வெளியிடாத ஹைட்ரஜன் ரயில்கள் இயக்கப்படவுள்ளன.
9.3 கோடி யூரோக்கள் செலவில் தொடங்கப்பட்டுள்ள இந்த இரயில் திட்டத்தால் ஆண்டுக்கு 4,400 டன் கரியமில வாயு காற்றில் கலப்பது தடுக்கப்படுவதாக அதிகாரிகள் தெரிவித்தனர்.
கோரடியா ஐலின்ட் ரயில்கள் 1,000 கிலோமீட்டர்கள் (621 மைல்கள்) மற்றும் அதிகபட்ச வேகம் 140 KPH வரை இருக்கும் என்று அல்ஸ்டோம் கூறுகிறது. புதுப்பிக்கத்தக்க ஆற்றலுடன் உற்பத்தி செய்யப்படும் ஹைட்ரஜனைப் பயன்படுத்துவதன் மூலம் ரயில்கள் ஆண்டுக்கு 1.6 மில்லியன் லிட்டர் (422,000 கேலன்களுக்கு மேல்) டீசல் எரிபொருளைச் சேமிக்கும்.
ஹைட்ரஜன் தற்போது வேதியியல் செயல்முறைகளில் ஒரு துணைப் பொருளாக உற்பத்தி செய்யப்படுகிறது, ஆனால் ஜேர்மன் சிறப்பு எரிவாயு நிறுவனமான லிண்டே மூன்று ஆண்டுகளுக்குள் புதுப்பிக்கத்தக்க ஆற்றலை மட்டுமே பயன்படுத்தி உள்நாட்டில் தயாரிக்க திட்டமிட்டுள்ளது.
