பிக்பாஸ் முகேனின் முதல் படம் ‘வெற்றி’!

பிக் பாஸ் மூன்றாவது சீஸனில் டைட்டில் வென்றவர் முகேன் ராவ். மலேசியாவை சேர்ந்த பாடகரான இவர் பிக்பாஸ் நிகழ்ச்சியில் கலந்து கொண்டதன் மூலமாக தமிழ்நாட்டில் அதிகம் ரசிகர்களை பெற்றுள்ளார். 

பிக் பாஸ் வீட்டுக்குள் அவர் அடிக்கடி பாடிய ஒரு பாடலும் மிகப்பெரிய வைரலானது உங்களுக்கு நினைவிருக்கலாம். 

இந்நிலையில் தற்போது முகேன் ராவ் கோலிவுட்டில் ஹீரோவாக அறிமுகமாகிறார். அவர் வெப்பம் பட புகழ் அஞ்சனா அலி கான் இயக்கத்தில் வெற்றி என்ற படத்தில் ஹீரோவாக நடிக்க உள்ளார். இந்த படத்தின் பர்ஸ்ட் லுக் போஸ்டர் தற்போது வெளிவந்திருக்கிறது. இதில் அவருக்கு ஜோடியாக 2018ல் மிஸ் இந்திய World பட்டம் வென்ற அனுக்ரிதி வாஸ் நடிக்கவுள்ளார். 

இன்று வெளிவந்திருக்கும் வெற்றி பட போஸ்டர் இணையத்தில் மிக வேகமாக வைரலாகி வருகிறது. இதோ.. 

Here it's the most awaited #ShirdiProductionNO1 “Vettri”#VettriFirstLook

Starring @themugenrao of BigBoss fame

Directed by @AlikhanAnjana director of Veppam @RathnaveluDop @editoranthony @nivaskprasanna @anukreethy_vas @actorkishore @amritharam2 @DoneChannel1 @CtcMediaboy pic.twitter.com/uBXCEZZiMP

— Shirdi Productions (@ShirdiProdn) September 28, 2020

இந்த படத்தினை பற்றி பேசியிருக்கும் இயக்குனர் அஞ்சனா அலி கான், "ஒரு ஆணின் வாழ்க்கை பயணத்தை பற்றியது தான் இந்த படத்தின் கதை. அவனது வாழ்க்கையில் இரண்டு முக்கிய விஷயம் இருக்கும். ஒன்று அவன் பிறந்த சூழ்நிலை, ஏழ்மை உட்பட அவன் சந்திக்கும் பிரச்சனைகள், அதனால் வரும் அவமானம். மற்றொன்று அவனுடைய அம்மாவின் ஆசை. இந்த இரண்டும் தான் படத்தின் முக்கிய விஷயங்களாக இருக்கும். அவன் எந்த பாதையை தேர்ந்தெடுக்கிறான் வன்முறையையா அல்லது அவன் அம்மா ஆசைப்பட்ட வழியிலா என்பதை தான் படத்தில் கூற இருக்கிறோம் என தெரிவித்திருக்கிறார்.  

இந்த படத்தில் முகேன் ராவ் கோபக்கார இளைஞராக நடிக்க இருக்கிறார் என இயக்குனர் தெரிவித்துள்ளார். அனைவரது வாழ்க்கையிலும் மற்றவர்களுடன் மோதல் என்பது நிச்சயம் நடந்திருக்கும். அனைவருக்கும் இது சுலபமாக இருந்து விடாது. படத்தில் அதிகம் ஆக்ஷன் இருந்தாலும் அது தவறான வகையில் சித்தரிக்கப் பட்டு இருக்காது. சினிமாவுக்கு இருக்கும் பவர் எனக்கு தெரியும். அதை பார்க்கும் ஆடியன்ஸ் மீது ஏற்படும் தாக்கம் பற்றியும் நான் நன்கு புரிந்து இருக்கிறேன். இந்த படம் ரியலிஸ்டிக் ஆக இருக்கும் என அவர் தெரிவித்து இருக்கிறார்.  

படத்தில் ஹீரோ ரோலுக்காக முகேன் ராவை தான் முதலில் தேர்ந்தெடுத்ததாக கூறி இருக்கும் இயக்குனர், ஹீரோயின் அனுக்ரிதி மிகவும் தைரியமான மற்றும் சுவாரஸ்யமான ஒரு கதாபாத்திரத்தில் நடிக்கிறார். அனுபமா குமார் அம்மா கதாபாத்திரத்திலும் மற்றும் கிஷோர் அப்பா கதாப்பாத்திரத்திலும் நடிக்கின்றனர்.  

ராண்டி ஒளிப்பதிவு செய்கிறார், நிவாஸ் பிரசன்னா இசையமைப்பாளராக ஒப்பந்தம் செய்யப் பட்டிருக்கிறார். படத்தின் ஷுட்டிங் அடுத்த திங்கட்கிழமை துவங்க இருக்கிறது. மொத்த படமும் சென்னையில் நடப்பது போன்று தான் இருக்கும். கொரோனாவுக்கு தேவையான பாதுகாப்பு நடவடிக்கைகளை மேற்கொண்டு தான் படப்பிடிப்பு நடத்த இருக்கிறோம் என அஞ்சனா அலி கான் கூறியிருக்கிறார்.