ஐ.தே.முன்னணியினர் இன்று சபாநாயகருடன் சந்திப்பு
ஐக்கிய தேசிய முன்னணியின் பாராளுமன்ற உறுப்பினர்கள் இன்று பாராளுமன்ற கட்டடத்தொகுதியில் சபாநாயகர் கரு ஜயசூரியவை சந்தித்துக் கலந்துரையாடவுள்ளனர்.
பாராளுமன்றம் அடுத்த வாரம் கூடும்போது பிரதமர் மஹிந்த ராஜபக்ஷவுக்கு உரிய ஆசனம் ஒதுக்கப்படுமென சபாநாயகர் உறுதியளித்துள்ளார். இந்த நிலையிலேயே ஐக்கிய தேசிய முன்னணி உறுப்பினர்கள் அவரைச் சந்தித்து பேச்சுவார்த்தை நடத்துவதற்கு தீர்மானிக்கப்பட்டுள்ளது.
முன்னணியின் தலைவர் ரணில் விக்கிரமசிங்கவின் தலைமையில் நேற்று நடைபெற்ற பாராளுமன்றக் குழுக்கூட்டத்திலேயே இந்தத் தீர்மானம் எடுக்கப்பட்டுள்ளது. இதேவேளை சபாநாயகர் கருஜயசூரியவை ஐக்கிய தேசிய முன்னணியில் அங்கம் வகிக்கும் கட்சிகளின் தலைவர்கள் நேற்றுமுன்தினமிரவு சந்தித்து பேச்சுவார்த்தை நடத்தியுள்ளனர்.
சபாநாயகரது இல்லத்தில் இச் சந்திப்பு நடைபெற்றுள்ளது. இதன்போது ஜனாதிபதி மைத்திரிபால சிறிசேனவுடன் தான் சந்தித்து பேசியமை தொடர்பிலும் ஜனாதிபதியின் கருத்து குறித்தும் கூட்டணி தலைவர்களிடம் சபாநாயகர் எடுத்துக் கூறியுள்ளார்.
இந்த நிலையில் பாராளுமன்றத்தை ஜனாதிபதி மைத்திரிபால சிறிசேன கூட்டும் விடயத்தில் காலதாமதம் காண்பிப்பாரேயானால் நீங்கள் பாராளுமன்றத்தை கூட்ட வேண்டும்.
ஜனநாயகத்தை பேணும் வகையிலும் அரசியல் அமைப்பை பாதுகாக்கும் வகையிலும் இத்தகைய தீர்மானத்தை சபாநாயகரான நீங்கள் எடுக்க வேண்டு மென முன்னணியின் அங்கத்துவ கட்சித் தலைவர்கள் கோரிக்கை விடுத்துள்ளனர்.
இச் சந்திப்பில் ஐக்கிய தேசியக் கட்சியின் சார்பில் பாராளுமன்ற உறுப்பினர் லக்ஷ்மன் கிரியெல்ல, ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீம், அகில இலங்கை மக்கள் காங்கிரஸின் தலைவர் ரிஷாத் பதியூதீன், தமிழ் முற்போக்கு கூட்டணியின் தலைவர் மனோ கணேசன் உட்பட பலரும் கலந்துகொண்டனர்.
ஐக்கிய தேசிய முன்னணியின் தலைவர் ரணில் விக்கிரமசிங்கவின் தலைமையில் நேற்றுமுன்தினம் மாலை அலரிமாளிகையில் முன்னணியின் பாராளுமன்ற குழுக் கூட்டம் இடம்பெற்றது.
இதனையடுத்து கூட்டணியில் அங்கம் வகிக்கும் கட்சித் தலைவர்களது கூட்டமும் நடைபெற்றது. இக் கலந்துரையாடல்களில் பாராளுமன்றத்தில் பெரும் பான்மையை காண்பித்து மீண்டும் ஆட்சிப் பொறுப்பை எடுக்க வேண்டியதன் அவசியம் குறித்து வலியுறுத்தப்பட்டுள்ளது.
பாராளுமன்றம் அடுத்த வாரம் கூடும்போது பிரதமர் மஹிந்த ராஜபக்ஷவுக்கு உரிய ஆசனம் ஒதுக்கப்படுமென சபாநாயகர் உறுதியளித்துள்ளார். இந்த நிலையிலேயே ஐக்கிய தேசிய முன்னணி உறுப்பினர்கள் அவரைச் சந்தித்து பேச்சுவார்த்தை நடத்துவதற்கு தீர்மானிக்கப்பட்டுள்ளது.
முன்னணியின் தலைவர் ரணில் விக்கிரமசிங்கவின் தலைமையில் நேற்று நடைபெற்ற பாராளுமன்றக் குழுக்கூட்டத்திலேயே இந்தத் தீர்மானம் எடுக்கப்பட்டுள்ளது. இதேவேளை சபாநாயகர் கருஜயசூரியவை ஐக்கிய தேசிய முன்னணியில் அங்கம் வகிக்கும் கட்சிகளின் தலைவர்கள் நேற்றுமுன்தினமிரவு சந்தித்து பேச்சுவார்த்தை நடத்தியுள்ளனர்.
சபாநாயகரது இல்லத்தில் இச் சந்திப்பு நடைபெற்றுள்ளது. இதன்போது ஜனாதிபதி மைத்திரிபால சிறிசேனவுடன் தான் சந்தித்து பேசியமை தொடர்பிலும் ஜனாதிபதியின் கருத்து குறித்தும் கூட்டணி தலைவர்களிடம் சபாநாயகர் எடுத்துக் கூறியுள்ளார்.
இந்த நிலையில் பாராளுமன்றத்தை ஜனாதிபதி மைத்திரிபால சிறிசேன கூட்டும் விடயத்தில் காலதாமதம் காண்பிப்பாரேயானால் நீங்கள் பாராளுமன்றத்தை கூட்ட வேண்டும்.
ஜனநாயகத்தை பேணும் வகையிலும் அரசியல் அமைப்பை பாதுகாக்கும் வகையிலும் இத்தகைய தீர்மானத்தை சபாநாயகரான நீங்கள் எடுக்க வேண்டு மென முன்னணியின் அங்கத்துவ கட்சித் தலைவர்கள் கோரிக்கை விடுத்துள்ளனர்.
இச் சந்திப்பில் ஐக்கிய தேசியக் கட்சியின் சார்பில் பாராளுமன்ற உறுப்பினர் லக்ஷ்மன் கிரியெல்ல, ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீம், அகில இலங்கை மக்கள் காங்கிரஸின் தலைவர் ரிஷாத் பதியூதீன், தமிழ் முற்போக்கு கூட்டணியின் தலைவர் மனோ கணேசன் உட்பட பலரும் கலந்துகொண்டனர்.
ஐக்கிய தேசிய முன்னணியின் தலைவர் ரணில் விக்கிரமசிங்கவின் தலைமையில் நேற்றுமுன்தினம் மாலை அலரிமாளிகையில் முன்னணியின் பாராளுமன்ற குழுக் கூட்டம் இடம்பெற்றது.
இதனையடுத்து கூட்டணியில் அங்கம் வகிக்கும் கட்சித் தலைவர்களது கூட்டமும் நடைபெற்றது. இக் கலந்துரையாடல்களில் பாராளுமன்றத்தில் பெரும் பான்மையை காண்பித்து மீண்டும் ஆட்சிப் பொறுப்பை எடுக்க வேண்டியதன் அவசியம் குறித்து வலியுறுத்தப்பட்டுள்ளது.
