இனவாதத்தை பரப்பும் ஆவணங்கள் மீட்பு - ருவன் குணசேகர.!
கண்டி மாவட்டமெங்கும் பரவிய வன்முறைகளின் பிரதான சந்தேக நபரான மஹசொஹொன் பலகாய எனும் அமைப்பின் தலைவர் அமித் வீரசிங்கவின் குண்டசாலை–நத்தரம்பொத்தவில் உள்ள அலுவலகம் நேற்று பயங்கரவாத புலனாய்வுப் பிரிவின் அதிகாரிகளால் முற்றுகையிடப்பட்டு சோதனை செய்யப்பட்டதுடன் அதிலிருந்து பல சான்றுகள் கைப்பற்றப்பட்டு கொழும்புக்கு மேலதிக விசாரணைகளுக்காக எடுத்துச் செல்லப்பட்டுள்ளது.
பயங்கரவாத புலனாய்வுப் பிரிவின் பிரதானி பிரதிப் பொலிஸ் மா அதிபர் நாலக டி சில்வாவின் நேரடி மேற்பார்வையில் பயங்கரவாத புலனாய்வுப் பிரிவின் பதில் பணிப்பாளர் உதவி பொலிஸ் அத்தியட்சர் ஜகத் விஷாங்கவின் ஆலோசனை பிரகாரம் குழுவினால் குறித்த அலுவலகம் சுற்றி வளைக்கப்பட்டு, பல்வேறு பொருட்கள் கைப்பற்றப்பட்டுள்ளன.
பயங்கரவாத புலனாய்வுப் பிரிவின் பிரதானி பிரதிப் பொலிஸ் மா அதிபர் நாலக டி சில்வாவின் நேரடி மேற்பார்வையில் பயங்கரவாத புலனாய்வுப் பிரிவின் பதில் பணிப்பாளர் உதவி பொலிஸ் அத்தியட்சர் ஜகத் விஷாங்கவின் ஆலோசனை பிரகாரம் குழுவினால் குறித்த அலுவலகம் சுற்றி வளைக்கப்பட்டு, பல்வேறு பொருட்கள் கைப்பற்றப்பட்டுள்ளன.
தற்போது 2018 ஆம் ஆண்டின் முதலாம் இலக்க அவசரகால விதி விதானங்களுக்கு அமைவாக 14 நாள் தடுப்புக்காவலில் வைக்கப்பட்டு விசாரணைச் செய்யப்ப்டும் பிரதான சூத்திரதாரியான அமித் வீரசிங்கவிடமிருந்து வெளிபப்டுத்தப்பட்ட தகவல்களுக்கு அமைவாக இந்த அலுவலகத்தை சுற்றி வளைத்ததாகவும் இதன்போது ஆயிரக்கணக்கான இனவாதத்தை தூன்டும் ஆயிரக்கணக்கான போஸ்டர்கள், பதாதைகள், கையேடுகளை கைப்பற்றியதாகவும் பொலிஸ் பேச்சாளர் பொலிஸ் அத்தியட்சர் ருவன் குணசேகர தெரிவித்து ள்ளாா்.
பயங்கரவாத புலனாய்வுப் பிரிவினர் முன்னெடுத்த இந்த திடீர் சுற்றிவளை ப்பின் போது, பொது மக்களிடையே பகிா்ந்தளிக்க தயார் நிலையில் இருந்த ஆயிரக்கணக்கான மிகக் கடுமையாக இனவாதத்தை தூன்டும் சொற் பிரயோக ங்கள் அடங்கிய கையேடுகள், போஸ்டர், பதாதைகளுக்கு மேலதிகமாக பல வங்கிப் புத்தகங்களும் சிக்கியுள்ளன.
அத்துடன் நிதி வைப்பிலிட்டமைக்கான பல பற்றுச் சீட்டுக்களும் அங்கிருந்து கைப்பற்றப்பட்டுள்ள நிலையில் அமித் வீரசிங்கவின் மஹசொஹொன் பலகாயவின் நிதிப் பின் புலம் தொடர்பில் விசாரணைகள் விரிவுபடுத்தப்பட்டுள்ளன.
இதனைவிட அந்த அலுவலகத்தில் இருந்து வாகன அனுமதிப்பத்திரங்கள், இனவாத சொற்பதங்கள் அடங்கிய விபரங்கள், ஊடகவியலாளர் சந்திப்பை நடாத்த தயார்ப்பட்டிருந்த இலச்சினையுடன் கூடிய ஒலிவாங்கி என்பனவும் கைப்பற்றப்பட்டதாகவும் அமித்திடம் முன்னெடுக்கப்பட்ட விசாரணைகளில் வன்முறைகளுக்கு என தயாரான 7 பெற்றோல் குன்டுகளையும் மீட்டதாகவும் பொலிஸ் அத்தியட்சர் ருவன் குணசேகர தெரிவித்துள்ளாா்.
இந் நிலையில் அந்த அலுவலகத்தில் இருந்த 4 கனணிகளின் சி.பி.யூ. க்களை யும் கைப்பற்றிய பயங்கரவாத புலனாய்வுப் பிரிவினர் அவற்றையும் நான்காம் மாடிக்கு எடுத்து வந்துள்ளனர்.
அந்த சி.பி.யூ. க்களும், அமித்தின் தொலைபேசியும் அதிலுள்ள தகவல்களை பகுப்பாய்வு செய்து வெளிப்படுத்துவதாக பயங்கரவாத புலனாய்வுப் பிரிவின ரால் குற்றப் புலனாய்வுப் பிரிவின் சிறப்பு புலனாய்வுக் குழுவிடம் கையளி க்கப்பட்டுள்ளன.
குறிப்பாக அமித்தின் தொலைபேசிக்கு வந்த அழைப்புக்கள், அவர் அழைத்த அழைப்புக்கள் குறுஞ்செய்திகள் தொடர்பில் தகவல்களை வெளிப்படுத்தவும், சி.பி.யூ.வில் உள்ள தரவுகளை பெறவுமே இவ்வாறு குற்றப் புலனாய்வுப் பிரி வின் சிறப்பு நிபுணர்கள் அடங்கிய குழுவிடம் கையளித்துள்ளதாக பொலிஸ் பேச்சாளர் பொலிஸ் அத்தியட்சர் ருவன் குணசேகர தெரிவித்துள்ளாா்.
