அம்பாறையில் 98,914 பேர் வாக்களிக்கத் தவறியுள்ளனர்.!
அம்பாறை மாவட்டத்தில் நடந்தேறி முடிவுற்ற உள்ளூராட்சி மன்றத் தேர்தலில் 98ஆயிரத்து 914பேர் வாக்களிக்கவில்லையென தேர்தல்கள் ஆணைக்குழு விவரித்துள்ளது.
மாவட்டத்தில் வாக்களிக்கத் தகுதியான 5லட்சத்து 673வாக்காளர்களுள் 4லட்சத்து ஆயிரத்து 759 வாக்காளர்களே வாக்களித்துள்ளனர். அதன்படி 98914 பேர் வாக்களிக்கவில்லை.
அதேவேளை நடைபெற்று முடிந்த உள்ளூராட்சி மன்றத் தேர்தலில் அம்பாறை மாவட்டத்தின் 20 சபைகளுக்குமான தேர்தலில் வாக்களித்தவர்களில் 4 ஆயிரத்து 105 வாக்குகள் நிராகரிக்கப்பட்டிருப்பதாக தேர்தல்கள் ஆணைக்குழு தெரிவித்துள்ளது.
அதன்படி அளிக்கப்பட்ட 401759வாக்குகளுள் 397654 வாக்குகள் செல்லுபடியானதாக கணிக்கப்பட்டுள்ளன. ஆகக்கூடுதலான வாக்குகள் கல்முனை மாநகர சபைக்கான தேர்தலில் வாக்களித்த வாக்காளர்களின் வாக்குகளே கூடுதலாக நிராகரிக்கப்பட்டுள்ளன. இங்கு 611 வாக்குகள் இவ்வாறு நிராகரிக்கப்பட்டிருக்கிறது.
இம்மாவட்டத்தில் அடுத்து சம்மாந்துறை பிரதேச சபைக்கான தேர்த லில் வாக்களித்த வாக்காள ர்களின் 587 வாக்குகள் நிராகரிக்கப்பட்டுள்ளன.
மேலும் தகவல்களை அறிந்து கொள்வதற்காக எமது இணையமான Tamilkingdom.com தளத்துடன் இணைந்திருங்கள். உங்கள் அபிப்பிராயங்களையும் கருத்துக்களையும் மிகவும் அன்புடன் வரவேற்கின்றோம்.
