யார் தலைவர் ? கடும் போட்டி ! இன்று தெரிவிப்பு !
இலங்கையின் ஒருநாள் கிரிக்கெட் அணியின் தலைவராக நியமிக்கப்படப் போவது முன்னாள் தலைவர் அஞ்சலோ மெத்தியூஸா அல்லது டெஸ்ட் அணித் தலைவர் தினேஷ் சந்திமாலா என்பது இன்று தெரிவிக்கப்படவுள்ளது.
இலங்கைக் கிரிக்கெட் அணியின் தலைமைப் பயிற்சியாளராக சந்திக்க ஹத்துருசிங்க பொறுப்பேற்ற பின்னர் இலங்கைக் கிரிக்கெட் அணிக்குள் அதிரடி மாற்றங்கள் அரங்கேறி வருகின்றன.
மிக முக்கியமான மாற்றம்தான் தலைமை மாற்றம்.
ஆனால் இதுவொன்றும் புதிதல்ல. இதுவரையில் ஒரு வருட காலத்திற்குள் 4 தலைவர்களை பார்த்து விட்டது இலங்கை அணி.
தற்போது மாற்றப்படும் தலைவரும் நீண்ட நாட்கள் நிலைத்து நிற்பாரா அல்லது பங்களாதேஷ் தொடருக்குப் பின் வீடு செல்வாரா என்பதை தலைமைப் பயிற்சியாளர் சந்திக்க ஹத்துருசிங்க, தேர்வுக்குழுத் தலைவர் கிரஹம் லெப்ரோய் மற்றும் இலங்கைக் கிரிக்கெட் நிறுவனத் தலைவர் திலங்க சுமதிபால ஆகியோர்தான் உறுதிப்படுத்த வேண்டும்.
எமக்கு கிடைக்கப் பெற்ற தகவல்களின் படி ஒருநாள் மற்றும் இருபதுக்கு 20 அணிகளின் தலைமைப் பொறுப்பு மீண்டும் அஞ்சலோ மெத்தியூஸுக்கே வழ ங்கப்படவுள்ளதாக தெரிவிக்கப்படுகின்றது.
