அரசுக்கு ஆலோசனை சந்திரிகா ! ஆட்சேபனை தெரிவித்த - அமைச்சர் சுசில்!

Thamil 1/02/2018 அரசியல், இலங்கை, செய்திகள், A

அரசுக்கு ஆலோசனை வழங்கும் அதிகாரம் முன்னாள் அரச தலைவர் சந்திரிகா குமாரதுங்கவுக்கு இல்லையென அமைச்சர் சுசில் பிரேமஜயந்த தெரிவித்தார்.

கூட்டு அரசு தொடர்பில் சுதந்திரக் கட்சி மற்றும் ஐக்கிய தேசியக் கட்சிகளுக்கு இடையில் ஏற்படுத்திக் கொள்ளப்பட்ட இரண்டு ஆண்டுகளுக்கான புரிந்துணர்வு உடன்படிக்கை நேற்றுடன் நிறைவடைந்துள்ளது.

உடன்படிக்கையை தொடர்ந்தும் நீடிக்க நடவடிக்கை மேற்கொள்ளுமாறு சம்பந்தப்பட்ட தரப்பினருக்கு முன்னாள் அரச தலைவர் சந்திரிகா பணித்துள்ளதாக நாடாளுமன்ற உறுப்பினர் டளஸ் அளகப்பெரும தெரிவித்திருந்தார்.

டளஸின் கூற்றை நிராகரித்துள்ள அமைச்சர் சுசில் பிரேமஜயந்த கூட்டு உடன்படிக்கையை நீடிப்பது தொ டர்பான பணிப்புரைகளை வழங்க முன்னாள் ஜனாதிபதி சந்திரிகாவுக்கு எவ்வித உரிமையும் இல்லை.

அதே நேரம் எதிர்வரும் உள்ளூராட்சி மன்றத் தேர்தல்களின் பின்னர் 2018ஆம் ஆண்டு பெப்ரவரி மாதம் 18ஆம் திகதி கூட்டு அரசின் புரிந்துணர்வு உடன்படிக்கை நீடிப்பு குறித்துத் தீர்மானமெடுக்கப்படுமென சுசில் தெரிவித்துள்ளார்.