விமலின் கட்சியிலிருந்து இருவர் சுதந்திரக்கட்சிக்கு தாவுகின்றனர்!
தேசிய சுதந்திர முன்னணியிலுள்ள இரு உறுப்பினர்கள் சிறிலங்கா சுதந்திரக் கட்சிக்கு இந்த வாரம் தாவிப் பாய்வதற்குள்ளார்கள்.
இது தொடர்பில் தற்போது சுதந்திரக் கட்சியின் உயர்பீடத்துடன் மேற்படி மாகாண சபை உறுப்பினர்கள் இருவரும் பேச்சு நட த்தி வருவதாக தகவல் வட்டாரங்கள் தெரிவிக்கின்றன.
ஏற்கனவே, மகிந்த அணியின் நாடாளுமன்ற உறுப்பினர் விமல் வீரவன்ச தலைமையிலான தேசிய சுதந்திர முன்னணியின் துணைத்தலைவர் வீரகுமார திசாநாயக்க, அந்தக் கட்சியின் தேசிய அமைப்பாளர் பியஸ்ரீ விஜேநாயக்க, துணைப் பிரதிச் செயலர் நிமல் பிரேமவன்ஸ ஆகியோர் கடந்த வருட இறுதியில் சிறிலங்கா சுதந்திரக் கட்சியுடன் இணைந்துள்ளனர்.
இந்த இழப்பே விமலின் கட்சிக்குப் பேரிடியாக இருக்கும் நிலையில், அந்தக் கட்சியைப் பிரதிநிதித்துவப்படுத்தும் இரு மாகாண சபை உறுப்பினர்களும் இந்த வாரத்தில் வெளியேறுவது அடுத்த தேர்தலில் தாமரை மொட்டுக்குப் பெரிய பாதிப்பை ஏற்படுத்துமெனத் தெரிவிக்கப்படுகின்றது.
