பிரதமர், முதலமைச்சர் ஆகியோரை இன்று சந்திக்கிறார் மலேஷிய பிரதமர் ரஸ்ஸாக்.!
மூன்று நாள் விஜயம் மேற்கொண்டு இலங்கை வந்துள்ள மலேஷிய பிரதமர் நஜீப் ரஸ்ஸாக் இன்று பிரதமர் ரணில் விக்கிரமசிங்கவையும் வடக்கு மாகாண முதலமைச்சர் சி.வி.விக்கினேஸ்வரனையும் சந்தித்து பேசவுள்ளார்.
இது தொடர்பில் மேலும் தெரியவருவதாவது,
மூன்று நாள் விஜயம் மேற்கொண்டு இலங்கை வந்துள்ள மலே ஷிய பிரதமர் நஜீப் ரஸ்ஸாக் நேற்று ஜனாதிபதி மைத்திரிபால சிறிசேனவை சந்தித்து பேச்சுவார்த்தை நட த்தியதுடன் மூன்று புரிந்துணர்வு ஒப்பந்தங்களும் கைச்சாத்திடப்பட்டன.
இந்நிலையில் மலேஷிய பிரதமர் விஜயத்தின் இறுதி நாளான இன்றைய தினம் பிரதமர் ரணில் விக்கிரமசிங்கவை சந்தித்துப் பேசவுள்ளார். இருவருக்கும் இடையிலான சந்திப்பு இன்று நண்பகல் 12 மணிக்கு அலரி மாளிகையில் நடைபெறவுள்ளது.
மேலும் வடக்கு மாகாண முதலமைச்சர் சி.வி.விக்கினேஸ்வரனை மலேஷிய பிரதமர் இன்று கொழும்பில் சந்திக்கவுள்ளார். இதன்படி நேற்று இரவு யாழ்ப்பா ணத்தில் இருந்து சி.வி.விக்கினேஸ்வரன் கொழும்புக்கு விஜயமாகியுள்ளார்.
