கேப்பாபுலவில் 133 ஏக்கர் காணி இன்று மக்களிடம் கையளிப்பாம் - டி.எம்.சுவாமிநாதன்
கேப்பாப்புலவு மக்களின் 133 ஏக்கர் காணிகள் இன்று அவர்களிடத்தில் மீளவும் கையளிக்கப்படுமென சிறை ச்சாலைகள் மறுசீரமைப்பு, புனர்வாழ்வளிப்பு, மீள்குடியேற்றம் மற்றும் இந்துமத அலுவல்கள் அமைச்சர் டி.எம். சுவாமிநாதன் தெரிவித்துள்ளார்.
இது தொடர்பில் தெரிவிக்கையில்,
தேசிய பாதுகாப்புக் கருதி இலங்கைத் தரைப்படையின் பாதுகாப்புப் படைத் தலைமையகமொன்றாக முன்னெடுக்கப்பட்டு வந்த கரைதுறைப்பற்று பிரதேச செயலாளர் பிரிவின் கேப்பாபிலவு கிராமத்தில் 133 ஏக்கர் காணிகளை விட்டு படைத் தலைமையகத்தை இடமாற்றுவதற்கு அமைச்சின் ஊடாக 148 மில்லியன் ரூபா இலங்கைத் தரைப்படைக்கு வழங்கப்பட்டிருந்தது.
அந்த அடிப்படையில், டிசம்பர் மாதம் 28ஆம் திகதி இக்காணிகளை அவற்றின் ஆரம்ப உரித்தாளிகளிடம் மீண்டும் கையளிப்பதற்குரிய நடவடிக்கைகளை எடுக்குமாறு பிரதேச செயலாளருக்கு தெரிவிக்கப்பட்டுள்ளது.
290 நாட்களுக்கு மேல் தொடர்ந்த உண்ணாவிரதத்தைக் கைவிட்டு அம்மக்களு க்கு தமக்குச் சொந்தமான கணிகளைப் பெற்றுக்கொள்ளும் வாய்ப்பு தற்போது அமைந்துள்ளது.
2018 ஆம் ஆண்டில் அக்காணிகளில் 85 குடும்பங்களை மீள்குடியேற்றுவதற்கு அவசியமான அனைத்துச் செயற்பாடுகளும் முன்னெடுக்கப்படுமெனத் தெரி வித்துள்ளார்.
