புதுக்குடியிருப்பில் பெண் வேட்பாளரை ரயருடன் தீமூட்ட முயன்ற - சிவமோகன் அணி!!
தமிழ்த் தேசிய கூட்டமைப்பின் பெண் வேட்பாளர் ஒருவரை ரயர் போட்டு கொளுத்துவோமென ரௌடிக்கும்பல் ஒன்று மிரட்டியதையடுத்து, அப் பெண் தலைமறைவாகியுள்ளார்.
இந்த மிரட்டலை விடுத்த ரௌடிக்கு ம்பலுடன் முல்லைத்தீவு மாவட்ட தமிழரசுக்கட்சி எம்.பி சிவமோகனும் பிரசன்னமாகிய இவ்வதிா்ச்சி சம்ப வம் நேற்றுக் காலை புதுக்குடியிரு ப்பில் நடைபெற்றுள்ளது.
முல்லைத்தீவில் தமிழ்த்தேசிய கூட் டமைப்பின் பங்காளிக்கட்சிகளிற்கி டையிலான ஆசனப்பங்கீடு கடும் குழப்பத்தில் உள்ளது. கூட்டமைப்பின் தலை மைக் குழு எடுத்த முடிவையும் மீறி, சிவமோகன் தன்னிச்சையாக செய ற்பட்டு, பங்காளிக்கட்சிகளிற்கு ஆசனங்களை வழங்க மறுத்துள்ளார்.
இந்த நிலையில், தமிழரசுக்கட்சி தலைவரிடம் விடயத்தை பங்காளிக்கட்சிகள் தெரிவித்ததையடுத்து, அவர்களின் வேட்பாளர் விபரங்களை அனுப்பும்படி மாவை சேனாதிராசா தெரிவித்திருந்தார்.
இதையடுத்து, புளொட் சார்பில் இன்று வேட்பாளர்கள் புதுக்குடியிருப்பிற்கு வேட்புமனுவில் கையெழுத்திட அழைத்து செல்லப்பட்டனர். இதன்போது, புளொட்டின் பெண் வேட்பாளர் ஒருவர் சென்றபோது, தமிழரசுக்கட்சி உறுப்பி னர்கள் சிலர் அவரை வாசலிலேயே மறித்து மிரட்டியுள்ளனர்.
தேர்தலில் போட்டியிட்டால் உயிருடன் ரயரை போட்டு கொளுத்தி விடுவோம் என மிரட்டியுள்ளனர். தேர்தலில் போட்டியிட்டால் அவரது மூன்று பிள்ளைக ளும் அனாதையாவார்கள் எனவும் மிரட்டியுள்ளனர்.
இதனை அங்கு நின்ற மற்ற வேட்பாளர்கள் தடுக்க முயன்றபோது, அவர்களை யும் மிரட்டியுள்ளனர். மிரட்டலையடுத்து பெண் தலைமறைவாகியுள்ளார் என புளொட் வட்டாரங்கள் தகவல் தெரிவித்துள்ளன.
