கூட்டமைப்புக்குள் குழப்பம் இல்லையென்றார் - சம்பந்தன்!
தமிழ்த் தேசியக் கூட்டமைப்பின் பங்காளிக் கட்சிகளுக்கிடையில் முரண்பாடுகள் ஏற்பட்டுள்ளதாக வெளியான செய்திகளைக் கூட்டமைப்பின் தலைவர் இரா.சம்பந்தன் நிராகரித்துள்ளார்.
கொழும்பு ஊடகமொன்றிற்கு வழங்கிய செவ்வி ஒன்றிலேயே இவ்வாறு தெரிவித்துள்ளார். அரசியல் கூட்டணிகளில், குறிப்பாக வேட்புமனுக்களைத் தயாரிக்கும் போது, இதுபோன்ற விவகாரங்கள் அசாதாரணமானவை அல்ல.
நாங்கள் இப் பிரச்சினைகளை இணக்கமான முறையில் தீர்த்துக் கொள்வோமெனத் தெரிவித்ததுடன் கூட்டமைப்பின் பங்காளிக் கட்சிகளின் தலைவர்களான, புளொட் தலைவர் சித்தார்த்தனும், ரெலோத் தலைவர் செல்வம் அடைக்கல நாதனும், வேட்புமனுக்கள் தொடர்பாகத் தமிழ் அரசுக் கட்சியுடன் கருத்து வேறுபாடுகள் இருப்பதை உறுதி செய்துள்ள போதிலும், தனி வழியில் செல்வதற்கு முடிவுகள் எதனையும் மேற்கொள்ளவில்லையெனத் தெரிவித்துள்ளார்.
