அதிகாரம் பகிரப்பட்டால் போர் வெடியாம் கோத்தா தலைமையில் !
புதிய அரசியல் அமைப்பு நிறைவேற்றப்பட்டு மாகாணசபைகளுக்கு அதிகாரம் பகிரப்பட்டால் நாட்டில் 30 வருடகாலமான யுத்த சூழல் மீண்டும் உருவாகும் என்பதில் எவ்வித ஐயமும் இல்லையென முன்னாள் பாதுகாப்பு செயலாளர் கோத்தபாய ராஜபக்ஷ தலைமைதாங்கும் எதிர்பார்ப்புக்களை ஒளியேற்றும் அமைப்பு தெரிவித்துள்ளது.
தேசிய நூலகத்தில் நேற்று இடம்பெற்ற விஷேட ஊடகவியலாளர் சந்திப்பிலேயே மேற்கண்டவாறு தெரிவிக்கப்பட்டது. இதன்போது உரையா ற்றிய எதிர்பார்ப்புக்களை ஒளியே ற்றும் அமைப்பின் செயற்பாட்டாளர் சிறியந்த மென்டிஸ் கூறுகையில், தற் போது நாட்டில் புதிய அரசியல் அமை ப்பினை நிறைவேற்றுவதில் அனைவரும் மும்முரமாக செயற்படுகின்றனர். ஆனால் இந்த அரசியல் அமைப்பு நிறைவேறினால் ஏற்படும் ஆபத்துக்கள் குறி த்து யாரும் பேசுவதில்லை. மாகாண சபைகளுக்கு அதிகாரம் பகிரப்பட்டால் மீண்டும் நாட்டில் யுத்த அழிவுகளே தோன்றுமென்பதை அறிந்தும் அறியாதவர்கள் போல் காணப்படுகின்றனர்.
மாகாணங்களுக்கு அதிகாரம் பகிரப்பட்டால் மத்திய அரசிற்கு மீண்டும் அதிகாரத்தை பெற முடியாமல் போகும். அது மட்டுமல்லாமல் மாகாணசபைகளுக்கு இடையிலும் முரண்பாடுகள் தோன்றும். இதனால் எதிர்காலத்தில் நாட்டில் உருவாகும் பாதிப்பினை அறிந்தும் அரச தலைவர்கள் அமைதியாக இருப்பது வியக்கத்தக்கது.
நாட்டில் அதிகாரம் பகிரப்பட்டால் மாகாணசபைகள் பலம்மிக்கதாகி மத்திய அரசு பலவீனமடையும். ஜனாதிபதி வெறும் நாமநிர்வாகியாகவே செயற்படு வார்.
நாட்டின் தலையெழுத்தை மாற்றுவதும் தற்போது நாடு எதிர்நோக்கவுள்ள அழிவினை தடுப்பதும் பொதுமக்களின் கைகளிலேயே தங்கியுள்ளது.
மக்களின் ஜனநாயகத்தை வெளிப்படுத்தும் தேர்தலினை முறையாக பயன்படுத்தி நாட்டையும் பொதுமக்களையும் காப்பாற்றுவது மக்களின் கைகளில் உள்ளதே தவிர 225 பாராளுமன்ற உறுப்பினர்களிடம் அல்ல.
எனவே புதிய அரசியல் அமைப்பு நிறை வேறுவதில் உள்ள பிரச்சினைகளை மட்டும் பார்க்காமல் நிறைவேற்றினால் உருவாகும் பிரச்சினைகளை ஆரா ய்ந்து ஜனாதிபதி சிறந்த முடிவை முன்னெடுப்பதாக தெரிவித்துள்ளார்.
