இன்று கொழும்பில் ஆர்ப்பாட்டம் !
அமரர் சௌமியமூர்த்தி தொண்டமான் பெயரை நீக்கத்திற்கு எதிராக தலைநகரில் ஆர்ப்பாட்டம் இன்று இடம்பெறுமென ஜனநாயக மக்கள் காங்கிரஸ் தெரிவித்துள்ளது.
மேலும் அக்கட்சியில் தெரிவிக்கையில்.....
இந்தியவம்சாவளி மக்கள் நலன் மட்டுமின்றி தேசிய அரசியலிலும் அரும் பெரும் சேவையாற்றிய அமரர் சௌமியமூர்த்தி தொண்டமானின் பெயரை குறிப்பாக பயிற்சி மையம் மற்றும் மண்டபங்கள் விளையாட்டுமைதானம் போன்றவற்றிலிருந்து நீக்க முயலும் வரலாற்று துரோகத்திற்கு எதிராக அதனை கண்டித்து தலைநகரில் ஆர்ப்பாட்டம் செய்ய வேண்டியுள்ளது.
இலங்கை தொழிலாளர் காங்கிரஸ் கொழும்பு கிளையுடன் ஜனநாயக மக்கள் காங்கிரஸ் இணைந்து இலங்கை இந்திய வம்சாவளி மக்களின் வரலாற்றை பரிணமிக்க செய்த சௌமியமூர்த்தி தொண்டமானின் பெயரை அமைச்சரவை அங்கீகாரத்தினூடாக அழிக்கமுயல்வதை எதிர்த்து மலையக மக்களுக்கு ஆதரவாக தலைநகரில் இன்று வெள்ளிக்கிழமை காலை 10 மணியளவில் கொழும்பு கோட்டை புகையிரத நிலையத்தின் முன்பாக ஆர்ப்பாட்டம் இடம் பெறுமெனத் தெரிவித்துள்ளனர்.
இவ் ஆர்ப்பாட்டத்தில் தலைநகர் வாழ் தமிழ் மக்கள் கலந்து கொள்ளுமாறு அழைக்கப்படுகின்றார்கள் என குறிப்பிட்டுள்ளமை தெரிவிக்கத்தக்க விடய மாகும்.
