கட்டார் பயணமாம் - ஜனாதிபதி
ஜனாதிபதி மைத்திரிபால சிறிசேன நாளை செவ்வாய்க்கிழமை உத்தியோ கபூர்வ விஜயம் மேற்கொண்டு கட்டா ர் செல்லவுள்ளார். கட்டார் செல்லும் ஜனாதிபதி, அந்நாட்டுத் தலைவர்கள் உள்ளிட்ட முக்கியஸ்தர்களை சந்திக்கவுள்ளதுடன், அங்குள்ள இலங்கையர்கள் எதிர்நோக்கும் பிரச்சினைகள் குறித்தும் கலந்துரையாடவுள்ளார்.
இவ்விஜயத்தில் ஸ்ரீலங்கா முஸ்லிம் காங்கிரஸ் தலைவரும் நகர திட்டமிடல் மற்றும் நீர் வழங்கல் அமைச்சருமான ரவூப் ஹக்கீம், சுகாதார அமைச்சர் ராஜித சேனாரத்ன மற்றும் இன்னும் சில அமைச்சர்களும் ஜனாதிபதியுடன் இணைந்து கட்டார் செல்லவுள்ளனர்.
இதேவேளை, கட்டார் நாட்டிலுள்ள ஸ்ரீலங்கா முஸ்லிம் காங்கிரஸ் ஆதரவாளர்கள் மற்றும் முக்கியஸ்தர்களை அமைச்சர் ரவூப் ஹக்கீம் சந்திக்கவுள்ளார். எதிர்வரும் 25ஆம் திகதி சல்வா வீதியில், அன்சார் சிட்டிக்கு பின்னால் அமைந்துள்ள பீனிக்ஸ் பாடசாலையில் மு.ப. 09 மணி தொடக்கம் நண்பகல் 12 மணிவரை இச்சந்திப்பு நடைபெற ஏற்பாடு செய்யப்பட்டுள்ளது.
