வேட்பாளர் தெரிவில் கட்சிகள் தீவிரம்
எதிர்வரும் உள்ளூராட்சி சபைத்தேர்தலில் போட்டியிடுவதற்கான வேட்பாளர் தெரிவில் பிரதான கட்சிகள் உட்பட சகல தரப்பினரும் தீவிரமாக செயற்பட்டு வருகின்றனர்.
பிரதான கட்சிகளான ஐக்கிய தேசியக் கட்சி மற்றும் ஸ்ரீலங்கா சுதந்திரக் கட்சி ஆகியவற்றிற்கு சவால் விடுக்கும் வகையில் இம்முறை கூட்டு எதிரணியினர் தனியாக களமிறங்கவுள்ளதாகவும் தெரிவிக்கப்படுகிறது.
அதனடிப்படையில் எதிர்வரும் உள்ளூராட்சி சபைத் தேர்தலில் போட்டியிடவுள்ள வேட்பாளர்களை தெரிவு செய்யும் முகமாக ஐக்கிய தேசியக் கட்சி 17 வேட்புமனு தெரிவுக்குழுக்களை அமைத்துள்ளதாக தெரிவிக்கப்படுகிறது
ஐக்கிய தேசியக் கட்சியின் வேட்பாளர் தெரிவுப் பட்டியலை இம் மாத இறுதிக்குள் பூர்த்தி செய்யுமாறு ஐக்கிய தேசியக் கட்சியின் தலைவரும் பிரதமருமான ரணில் விக்கிரமசிங்க வேட்பு மனு தெரிவுக் குழுக்களுக்கு அறிவுறுத்தல் வழ ங்கியுள்ளதாகவும் தெரிவிக்கப்படுகிறது.
நீண்டகாலம் இழுபறி நிலையில் காணப்பட்ட உள்ளூராட்சி சபைத்தேர்தல் எதிர்வரும் ஜனவரி
மாதத்துக்குள் நடத்தப்படுமென அரசாங்கம் தெரிவித்ததையடுத்தே கட்சிகள் தேர்தலை எதிர்கொள்வதற்கான செயற்பாடுகளில் தீவி ரம் காட்டத் தொடங்கியுள்ளன.
இரு பிரதான கட்சிகளைப் போன்று இம்முறை கூட்டு எதிரணியினரும் நாடளாவிய ரீதியில் போட்டியிடவுள்ளதாகவும் அதற்கான வேட்பாளர் தெரிவினை ஆரம்பித்துள்ளதாகவும் தெரிவித்துள்ளனர்.
அதனடிப்படையில் இம்முறை தேர்தலில் மும்முனைப் போட்டி நிலவுமென அரசியல் அவதானிகள் கருத்து தெரிவிக்கின்றனர்.
ஸ்ரீலங்கா சுதந்திரக் கட்சிக்கு சவால் விடுக்கும் வகையில் சகல உள்ளூராட்சி சபைகளிலும் கூட்டு எதிரணியினர் போட்டியிடவுள்ள நிலையில் கூட்டு எதி ரணியில் அங்கம் வகிக்கும் ஸ்ரீலங்கா சுதந்திரக் கட்சியினரை சமரசம் செய்யும் முயற்சிகளிலும் கட்சியின் சிரேஷ்ட உறுப்பினர்கள் ஈடுபட்டுள்ளதாகவும் தெரிவிக்கப்படுகிறது.
