அனுமதி அட்டைகள் கிடைக்காத பரீட்சார்த்திகள் கவனத்திற்கு!

ஜீ.சி.ஈ. உயர்தர பரீட்சைக்கான சகல ஏற்பாடுகளும் பூர்த்தி செய்யப்பட்டுள்ள நிலையில் இதுவரை அனுமதி அட்டைகள் கிடைக்காத பரீட்சார்த்திகளை திணைக்களத்துடன் தொடர்பு கொள்ளுமாறு பரீட்சைகள் திணைக்களம் அறிவித்துள்ளது. 

 ஜீ.சி.ஈ. உயர்தர பரீட்சை எதிர்வரும் எட்டாம் திகதி தொடக்கம் நாடெங்கிலும் இரண்டாயிரத்து 230 நிலையங்களில் இடம்பெறவுள்ளது. தொலைதூரத்தில் உள்ள பரீட்சார்த்திகள் தொலைபேசி ஊடாக 1911 எனும் இலக்கத்துடனும், பாடசாலை பரீட்சைகள் ஒழுங்கமைப்பு கிளையின் 0112 784 208, 0113 188 350, 0113 140 314 எனும் இலக்கங்களுடனும் தொடர்பு கொள்ள முடியும் என பரீட்சைகள் திணைக்களம் குறிப்பிட்டுள்ளது. 

 இம்முறை சுமார் இரண்டு இலட்சத்து 37 ஆயிரத்து 943 பாடசாலை பரீட்சார்த்திகளும், 77 ஆயிரத்து 284 தனிப்பட்ட பரீட்சார்த்திகளும் பரீட்சைக்குத் தோற்றவுள்ளனர் .