சிக்கித் தவித்த மாவையும் சுமந்திரனும் தப்பியோடிய சராவும்(காணொளி)

வடக்கு மீனவர் சங்கப் பிரதிநிதிகளுடன் சந்திப்பு
ஒன்றில் பங்கேற்கச் சென்று மக்களின் கடும் எதிர்ப்புக்கு மத்தியில் நிலைதடுமாறிய கூட்டமைப்பினரை சுமந்திரனின் பாதுகாப்புப் பணியில் ஈடுபட்டிருக்கின்ற சிறப்பு அதிரடிப்படையினர் மீட்டெடுத்த சம்பவம் நேற்று இடம்பெற்றிருக்கின்றது.

யாழ்ப்பாணத்தில் வடக்கு மாகாண கடற்தொழிலாளர் இணையத்தின் ஏற்பாட்டில் குறித்த சட்டவிரோதமான மீன்பிடி முறைகளுக்கு சுமந்திரனால் பாராளுமன்றத்தில் கொண்டுவரப்பட்ட சட்டமூலம் எதிர்வரும் 6 ஆம் திகதி நிறைவேற்றப்படவுள்ள சட்டமூலம் தொடர்பாக ஆலோசனை மேற்கொள்ளும் பொருட்டு சந்திப்பொன்று இன்று ஏற்பாடு செய்யப்பட்டிருந்தது.

இந்தச் சந்திப்பின் போது நாடாளுமன்ற உறுப்பினர் சுமந்திரன் தலைமையிலில் நாடாளுமன்ற உறுப்பினர்கள் மாவை சேனாதிராஜா, தர்மலிங்கம் சித்தார்த்தன், ஈ.சரவணபவன் மற்றும் சாந்தி ஆகியோர் இந்தச் சந்திப்பில் ஈடுபட்டிருந்தனர்.

வழமையான பாணியில் சுமந்திரன் அந்த மக்களுக்கு விரிவுரை மேற்கொண்டுவிட்டு நழுவிச் செல்ல முற்பட்டவேளை மக்கள் சுற்றிவளைத்து கேள்வி எழுப்பியிருக்கின்றனர். மக்கள் சூழ்ந்ததால் தடுமாறிய மாவை சேனாதிராஜா சிறிதுநேரம் வாதாடிவிட்டு இருக்கையில் அமர்ந்துவிட்டார். அவருக்கு பாதுகாப்பாக சித்தார்த்தன் அமர்ந்திருந்தார்.

தொடக்கத்தில் நிலைமை கைமீறுவதை உணர்ந்த சரவணபவன் அங்கிருந்து வெளியேறித் தப்பி ஓடிவிட்டார். கூட்டம் கட்டுமீறிச் சென்றதை அடுத்து சுமந்திரனின் பாதுகாப்பு பணியில் ஈடுபட்டிருந்த சிறப்பு அதிரடிப்படையினர் மக்களை அமைதிப்படுத்தி கட்டுக்குள் கொண்டுவந்ததோடு சுமந்திரனுக்கு இருபுறமும் பாதுகாப்பு பணிக்காக நின்றிருந்ததை அவதானிக்க முடிந்தது.