காத்திருப்பு முடிந்து, பொன்ராம் படத்திற்கு தயார் ஆன சிவா கார்த்திகேயன்!

மூன்றே மாதத்தில் மொத்த படத்தையும் முடித்து விடுவார் என்ற பெருமைக்கு சொந்தக்காரர் இயக்குனர் பொன்ராம். எடுத்த இரண்டு படங்களுமே மெகா ஹிட் அடித்ததால் கோலிவுட்டின் மோஸ்ட் வாண்டட் இயக்குநர் ஆகிவிட்டார்.

ஆனால் சிவகார்த்திகேயனை வைத்து மட்டுமே படம் எடுக்க நினைக்கிறார். ரஜினி முருகனுக்கு பின்னர் கிடைத்த மிக பெரிய இடைவெளியில், நான்கைந்து படங்களையாவது இயக்கியிருக்கலாம். ஆனால் அதற்கெல்லாம் முயற்சிக்காமல், சிவகார்த்திகேயன் படம்தான் என நின்றுவிட்டார்.

ஒரு வழியாக இந்த மாத இறுதியில் படப்பிடிப்பு தொடங்கவிருக்கிறது. சிவகார்த்திகேயனுக்கு ஜோடியாக நடிக்கும் சமந்தா, இப்படத்திற்க்காக சிலம்பப் பயிற்சி எடுத்து வந்தார்.

இந்தப் படம் முழுக்க முழுக்க பீரியட் கதை என்ற கூறப்படும் நிலையில், பொன்ராமின் கமர்ஷியல் காமெடியும் நிச்சயம் இருக்கும் என தெரிவிக்கப்பட்டுள்ளது.