ராஜிதவும், சம்பிகவும் பொய்காரர்கள்- கோட்டாபய சீற்றம்
ராஜித, சம்பிக்க நாட்டுக்குப் பணியாற்றத் தெரிந்தவர்கள் அல்லர். அவர்கள் பொய் காரர்கள் என முன்னாள் பாதுகாப்புச் செயலாளர் கோட்டாபய ராஜபக்ஷ தெரிவித்தார்.
பாரிய நிதி மோசடி தொடர்பான ஜனாதிபதி ஆணைக்குழுவில் நேற்று பிற்பகல் ஆஜராகியதன் பின்னர் ஊடகங்களுக்குக் கருத்துத் தெரிவிக்கையில் அவர் இதனைக் கூறினார்.
ரக்னா லங்கா நிறுவனத்துக்கு தனக்கு வேண்டியவர்களை நியமித்துத் தருமாறு எனக்கு கடிதம் அனுப்பியவர்கள் தான் இந்த அமைச்சர்களான ராஜிதவும், சம்பிக்கவும். இப்போது எங்கள் மீது குற்றம்சாட்டுகின்றனர். அவர்கள் அனுப்பிய கடிதங்கள் இன்னும் என்னிடம் இருக்கின்றன. பொய் கூறித் திரியாமல், நாட்டுக்காக வேலை செய்து காட்டுமாறு நான் அவர்களிடம் கேட்டுக் கொள்கின்றேன். அவர்களைப் பற்றி சிறுபராயம் முதல் எனக்கு நன்கு தெரியும்.
நான் பாராளுமன்ற எம்.பி. யோ, அமைச்சரோ அல்ல. பேய் விரண்டோடும் அளவுக்கு பொய்களைக் கூறாமல் அவர்களது வேலையை ஒழுங்காக செய்யுமாறு நான் அவர்களிடம் கேட்டுக் கொள்கின்றேன் எனவும் கோட்டாபய ராஜபக்ஷ மேலும் கூறினார்.
