தேர்தலில் தனித்து களமிறங்கும் தமிழரசு கட்சி- சித்தார்த்தன்(காணொளி)

எதிர்வரும் உள்ளூராட்சி தேர்தலில் த.தே.கூட்டமைப்பிலுள்ள தமிழரசு கட்சி தனித்து போட்டியிடுவதற்கான ஏற்பாடுகளை செய்துவருவதாக த.தே.கூட்டமைப்பில் அங்கம் வகிக்கும் புளெட் கட்சியின் தலைவரும் நாடாளுமன்ற உறுப்பினருமான சித்தார்தன் தெரிவித்துள்ளார்.

அவர் அங்கு மேலும் தெரிவிக்கையில் வடமராட்சியில் மாகாணசபை உறுப்பினர் சுகிர்தன் தலைமையிலும் வலிகாமத்தில் பிரகாஸ் தலைமையிலும் அதுபோல தென்மராட்சியிலும் வேட்பாளர்களை தெரிவு செய்து வருவதாகவும் இது தொடர்பில் தலைவர் சம்பந்தனுக்கும் தெரியப்படுத்தியுள்ளதாகவும் ஆனால் எந்த முன்னேற்றமும் இல்லை எனவும் அவர் தெரிவித்துள்ளார்.

மேலும் அவ்வாறு தமிழரசு கட்சி தனித்து களமிறங்கினால் எதிர்காலத்தில் த.தே.கூட்டமைப்பு என செயற்படுவது சாத்தியமற்றுப்போகும் நிலைவரும் என்றும் அதற்கு இவர்களே பொறுப்பேற்க வேண்டும் என்றும் அவர் தெரிவித்துள்ளார்.

முக்கியமான செய்திகளை உடனுக்குடன்  அறிந்திட Fallow ஐ கிளிக் செய்யுங்கள்