ஜெனீவா கடிதத்தில் 3 கள்ள கையொப்பங்களை கண்டுபிடித்த சுமந்திரன்
எனக்கோரி ஐ.நா. மனித உரிமை ஆணைக் குழுவிற்கு அனுப்பி வைக்கப்பட்ட கடிதத்தில் தாங்கள் கையெழுத்திடவில்லை என்று
கூட்டமைப்பைச் சேர்ந்த மூன்று எம்.பி.க்கள் கட்சியின் தலைமைப்பீடத்திற்கு அறிவித்துள்ளதாக அதன் பேச்சாளரும், பாராளுமன்ற உறுப்பினருமான எம்.ஏ.சுமந்திரன் தெரிவித்துள்ளார்.
பாராளுமன்ற உறுப்பினர்களான ஜி. ஸ்ரீநேசன், சாந்தி சிறிஸ்கந்தராஜா, மற்றும் கே. கோடீஸ்வரன் ஆகிய மூவருமே ஐ.நா. மனித உரிமை ஆணைக்குழுவிற்கான கடிதத்தில் கைச்சாத்திடவில்லை என்றும் இந்தக் கடிதத்தில் தாங்கள் கையொப்பம் விட முடியாது என மறுத்ததாகவும் அப்படியிருந்தும் கையொப்பதாரிகளாக தமது பெயர்கள் அக்கடிதத்தில் இடம்பெற்றிருப்பதாகவும் அறிவித்துள்ளனர் என்றும் கூட்டமைப்பின் சார்பில் சுமந்திரன் எம்.பி. நேற்று விடுத்துள்ள அறிக்கையில் சுட்டிக்காட்டியுள்ளார்.
ஐ.நா. மனித உரிமை பேரவையில் 2015 ஆம் ஆண்டு நிறைவேற்றப்பட்ட தீர்மானத்தினை நடைமுறைப்படுத்துவதற்கு அரசாங்கத்திற்கு கால அவகாசம் வழங்கக்கூடாது என்று கோரி தமிழ் தேசியக்கூட்டமைப்பின் எட்டு எம்.பி.க்கள் கையொப்பமிட்டு கடிதம் அனுப்பியதாக செய்தி வெளியாகியிருந்தது. சில ஊடகங்களில் 11 எம்.பி. க்கள் கையொப்பமிட்டு கடிதம் அனுப்பியிருந்ததாக செய்திகள் வெளியிடப்பட்டிருந்தன. ஆனாலும் இந்தக் கடிதத்தில் தாம் கையெழுத்திடவில்லை என்று தற்போது இந்த மூன்று எம்.பி.க்களும் மறுத்துள்ளதாக கூட்டமைப்பின் தலைமை தெரிவித்திருக்கின்றது.
இந்தக்கடிதத்தில் கூட்டமைப்பு எம்.பி.க்களான செல்வம் அடைக்கலநாதன், தர்மலிங்கம் சித்தார்த்தன், எஸ். சிறிதரன், சீனித்தம்பி யோகேஸ்வரன், சிவசக்தி ஆனந்தன், சார்ள்ஸ் நிர்மலநாதன், வியாழேந்திரன், சிவமோகன் ஆகியோரும் அதற்கு மேலதிகமாக இந்த மூவரும் கைச்சாத்திட்டிருந்ததாக செய்திகள் வெளியாகியிருந்தன. ஆனாலும் தற்போது இந்த மூன்று உறுப்பினர்களும் கையொப்பமிடவில்லையென மறுத்துரைத்துள்ளமை குறிப்பிடத்தக்கதாகும்.
தொடர்புடைய செய்தி
தமிழர்களில் 11 முட்டாள்களும் 5ராஜதந்திரிகளும்?(காணொளி)
சுமந்திரனை இருத்திவைத்து போட்டுத்தாக்கும் யாழ் இந்துக்கல்லூரி மாணவர்கள்(காணொளி)
முக்கியமான செய்திகளை உடனுக்குடன் அறிந்திட Fallow ஐ கிளிக் செய்யுங்கள்
