இந்திய மீனவர்கள் ஏழுபேரின் விளக்கமறியல் மேலும் நீடிப்பு

இலங்கைக் கடற்பரப்பினுள் அத்துமீறி நுழைந்து மீன்பிடித்த குற்றச்சாட்டில் கைதான இந்திய மீனவர்கள் ஏழு ​பேரையும் எதிர்வரும் 17ஆம் திகதி வரை விளக்கமறியலில் வைக்குமாறு ஊர்காவற்துறை நீதவான் நீதிமன்ற நீதிபதி ஏ.எம்.எம்.றியால், நேற்று உத்தரவிட்டார். 

கடந்த டிசம்பர் மாதம் 19ஆம் திகதி, நெடுந்தீவுக் கடற்பரப்பில் அத்துமீறி நுழைந்து மீன்பிடித்த 7 மீனவர்கள், இரண்டு விசைப்படகுகளுடன் கைதுசெய்யப்பட்டிருந்தனர். 

யாழ்ப்பாணம் சிறைச்சாலையில் விளக்கமறியலில் வைக்கப்பட்டுள்ள குறித்த மீனவர்களின் வழக்கு, நேற்று மீண்டும் விசாரணைக்கு எடுத்துகொள்ளப்பட்டது. 

மீனவர்களை விடுவிப்பதற்குரிய பரிந்துரை சட்டமா அதிபர் திணைக்களத்தில் இருந்து கிடைக்பெறாததன் காரணத்தினால் மீனவர்களின் விளக்கமறியலைமேலும் நீடித்து நீதவான் உத்தரவிட்டார்.