இலங்கை - இந்திய கடற்தொழிலாளர்கள் பிரச்சினை பேச்சுவார்த்தை இன்று

இலங்கை, இந்திய கடற்தொழிலாளர்கள் பிரச்சினை தொடர்பான மேலுமொரு கலந்துரையாடல் கொழும்பில் இன்று இடம்பெறவுள்ளது.

கடற்தொழிலாளர்கள் பிரச்சினை தொடர்பில் நேற்று இந்தியாவின் புது டெல்லியில் அமைச்சர்கள் மட்ட கலந்துரையாடல் ஒன்று இடம்பெற்றது.

இலங்கை, இந்திய கடற்தொழிலாளர்கள் எதிர்நோக்கும் பிரச்சினைகள் நாளாந்தம் அதிகரித்த வண்ணமே உள்ளன..இதன்பொருட்டு கடந்த நொவம்பர் மாதம் இந்தியாவில் அமைச்சர்கள் மட்ட கலந்துரையாடல் ஒன்று இடம்பெற்றது.இதன்போதும், இந்த பிரச்சினை குறித்து சரியான தீர்வு ஒன்று பெறப்பட வில்லை இந்த நிலையில் இன்று மற்றும் ஒரு சந்திப்பு இடம்பெறவுள்ளது.

இதேவேளை, இலங்கையில் தடுத்து வைக்கப்பட்டுள்ள தமிழக கடற்தொழில் படகுகளை விடுவிக்க கோரி மாநிலம் தழுவிய போராட்டம் ஒன்றை முன்னெடுக்கவுள்ளதாக ராமேஸ்வர கடற் தொழில் அமைப்பினர் நேற்று முன்தினம் அறிவித்திருந்தன.இலங்கை தமது கடற்தொழில் படகுகளை அரசுடமையாக்கிவிட்டதாக அந்த கடற்தொழில் அமைப்புக்கள் குற்றம்சுமத்தியுள்ளன