17 இந்திய மீனவர்கள் கைது

எல்லை தாண்டி கடற்றொழிலில் ஈடுபட்ட குற்றச்சாட்டில் தமிழகத்தை சேர்ந்த 17 மீனவர்கள் இலங்கை கடற்படையினரால் கைது செய்யப்பட்டுள்ளனர். 

தமிழகம் இராமநாதபுரம்(12) மற்றும் ஜகதாப்பட்டினம்(05) பகுதியை சேர்ந்த குறித்த 17 மீனவர்களும் நேற்றுமாலை யாழ் காரைநகரை அண்மித்த கடற்பரப்பில் மீன்பிடியில் ஈடுபட்டிருந்தவேளை நெடுந்தீவு கடற்படையினரால் கைதுசெய்யப்பட்டுள்ளனர். 

அத்துடன் அவர்களின் மூன்று இழுவைப் படகுகளையும் கடற்படையினர் பறிமுதல் செய்தனர். 

இவர்களை இன்று யாழ் மாவட்ட கடற்றொழில் திணைக்களத்தினரிடம் ஒப்படைத்து, ஊர்காவற்துறை நீதிமன்றில் முற்படுத்த நடவடிக்கை எடுக்கப்பட்டுள்ளது.