சங்கிலியன் பூங்காவில் ஆரம்பமானது மலர்க்கண்காட்சி

வடமாகாண சுற்றாடல் அமைச்சின் ஏற்பாட்டில் வடமாகாண தாவர உற்பத்தியாளர்கள் மற்றும் விற்பனையாளர்கள் சங்கம் பங்கேற்கும் மலர்க் கண்காட்சி நல்லூர் சங்கிலியன் பூங்காவில் நேற்று (05-11-2016) முற்பகல் 10 மணிக்கு ஆரம்பமானது. கண்காட்சி கூடத்தினை இந் நிகழ்வின் பிரதம விருந்தினராகக் கலந்துகொண்ட வடமாகாண கல்வி அமைச்சர் குருகுலராஜா திறந்து வைத்தார்.

வட மாகாணசபை கார்த்திகை மாதத்தை மரநடுகை மாதமாகக் பிரகடனப்படுத்தி பொ.ஐங்கரநேசன் கீழ் உள்ள சுற்றாடல் அமைச்சின் ஏற்பாட்டில் வருடாவருடம் இம் மரநடுகை மாதம் கடைப்பிடிக்கப்படுகிறது.

மரநடுகை மாதத்தின் ஓர் அங்கமான மலர்க்கண்காட்சியின் தொடக்கநாள் விழாவில் கல்வி அமைச்சர் த.குருகுலராஜா, விவசாய அமைச்சர் பொ.ஐங்கரநேசன், மாகாணசபை உறுப்பினர்கள் க.சிவாஜிலிங்கம், க.தர்மலிங்கம், சி.அகிலதாஸ், அனந்தி சசிதரன், முதலமைச்சரின் அமைச்சின் செயலாளர், விவசாய அமைச்சின் செயலாளர் , திணைக்களத் தலைவர்கள் மற்றும் பொது மக்கள் எனப் பலரும் கலந்து கொண்டிருந்தனர்.

நேற்று (05-11-2016) ஆரம்பமாகிய இக்கண்காட்சி ஒருவார காலத்துக்குத் (11-11-2016வரை) தினமும் காலை 9 மணியில் இருந்து இரவு 8 மணிவரை நடைபெறவுள்ளது.