தில்ருக்ஷி இராஜினாமா : ஜனாதிபதியின் விமர்சனத்தின் எதிரொலி

இலஞ்ச ஊழல் விசா­ரணை ஆணைக்குழுவின் பணிப்­பாளர் நாயகம் ஜனா­தி­பதி சட்­டத்­த­ரணி தில்­ருக் ஷி டயஸ் விக்கி­ர­ம­சிங்க நேற்று தனது பத­வியை இரா­ஜி­னாமா செய்­துள்ளார். அவர் நேற்று ஜனா­தி­ப­திக்கு தனது இரா­ஜி­னாமாக் கடி­தத்தை அனுப்பி வைத்­துள்ளார்.

இதே­வேளை இலஞ்ச ஊழல் ஆணைக் குழுவின் பணிப்­பாளர் நாயகம் பத­வியில் இருந்து வில­கு­வ­தாக ஜனா­தி­பதி சட்­டத்­த­ரணி தில்­ருக் ஷி டயஸ் அனுப்­பி­யுள்ள இரா­ஜி­னாமாக் கடி­தத்தை ஏற்­றுக்­கொள்­ளு­மாறு ஜனா­தி­பதி மைத்­தி­ரி­பால சிறி­சேன ஜன­தி­பதி செய­லா­ள­ருக்கு ஆலோ­சனை வழங்­கி­யுள்­ள­தாக அறியமுடி­கின்­றது.

எவ்­வா­றா­யினும், இரா­ஜி­னாமா செய்­த­மைக்­கான கார­ணத்தை டயஸ் வெளிப்­ப­டுத்­தாத போதும், கடந்த வாரம் இலங்கை மன்றக் கல்­லூ­ரியில் இடம்­பெற்ற நிகழ்­வொன்றில், இலஞ்ச ஊழல்

ஆணைக் குழு மீது ஜனா­தி­பதி முன்­வைத்த விமர்­ச­னங்­களே காரணம் என இலஞ்ச ஊழல் ஆணைக் குழுவின் உயர் மட்­டத்­த­க­வல்கள் கேச­ரிக்கு சுட்­டிக்­காட்­டின.

'நான் எனது பத­வியை இரா­ஜி­னாமா செய்­துள்ளேன். அதற்­கான கடி­தத்தை ஜனா­தி­ப­திக்கு அனுப்பி வைத்­துள்ளேன். எனினும் அது குறித்து மேல­திக விட­யங்­களை இப்­போ­தைக்கு வெளிப்­ப­டுத்த முடி­யாது' என ஜனா­தி­பதி சட்­டத்­த­ரணி தில்­ருக்ஷி டயஸ் விக்­ர­ம­சிங்க கேச­ரி­யிடம் தெரி­வித்தார்.

கடந்த புதன்­கி­ழமை கொழும்பில் அமைந்­துள்ள இலங்கை மன்றக் கல்­லூ­ரியில் நடை­பெற்ற நிகழ்வு ஒன்றில் உரை­யாற்­றிய ஜனா­தி­பதி மைத்­தி­ரி­பால சிறி­சேன இலஞ்ச ஊழல் ஆணைக் குழு மேல­தி­க­மாக சி.ஐ.டி., எப்.சி.ஐ.டி. ஆகிய விசா­ரணை நிறு­வ­னங்கள் மீது தனது விமர்­ச­னத்தை முன்­வைத்­தி­ருந்தார்.

குற்றப் புல­னாய்வுப் பிரிவு (சி.ஐ.டி), நிதிக் குற்றப் புல­னாய்வுப் பிரிவு (எப்.சி.ஐ.டி.), இலஞ்ச ஊழல் விசா­ரணை ஆணைக் குழு போன்ற நிறு­வ­னங்கள் அர­சியல் நிகழ்ச்சி நிரலின் கீழ் தமது செய்ற்­பா­டு­களை முன்­னெ­டுத்துச் செல்­லு­மாயின் அந் நிறு­வன்­னக்­க­ளுக்கு எதி­ராக கடு­மை­யான தீர்­மா­னங்­களை எடுக்க வேண்டி வரும் என ஜனா­தி­பதி மைதி­ரி­பால சிரி­சேன எச்­ச­ரிக்கை விடுத்­தி­ருந்தார்.

இந்த நிலை­யி­லேயே இலஞ்ச ஊழல் விசா­ரணை ஆணைக் குழுவின் பணிப்­பாளர் ஜனா­தி­பதி சட்­டத்­த­ரணி தில்­ருக்ஷி டயஸ் விக்­ர­ம­சிங்க நேற்று பத­வியை இரா­ஜி­னாமா செய்­துள்ளார்.

கடந்த 2015 ஆம் ஆண்டு பெப்­ர­வரி மாதம் 11 ஆம் திகதி இலஞ்ச ஊழல் விசா­ரணை ஆணைக் குழுவின் பணிப்­பாளர் நாய­க­மாக மேல­திக சொலி­சிற்றர் ஜெனரல், ஜனா­தி­பதி சட்­டத்­த­ரணி தில்­ருக்ஷி டயஸ் ஜனா­தி­ப­தி­யினால் நிய­மிக்­கப்­பட்­டி­ருந்தார்.

1985 ஆம் ஆண்டு ஒக்­டோபர் மாதம் 21 ஆம் திகதி தில்­ருக்ஷி டயஸ் விக்­ர­ம­சிங்க இலங்கை சட்டக் கல்­லூ­ரியில் தனது சட்டப் படிப்­புக்­களை நிரைவு செய்து உயர் நீதி­மன்ரில் சட்­டத்­த­ர­ணி­யாக சத்­தியப் பிர­பாணம் செய்­து­கொன்­டி­ருந்தார். அதன் பின்னர் சட்­டத்­து­றையில் முது­மாணிப் பட்­டத்தை மொனாஸ் பல்­க­லை­கக்­ழ­கத்தில் வணிகத் துறையில் நிரைவுச் எய்­து­கொண்ட தில்­ருக்ஷி டயஸ், இங்­கி­லாந்தின் வேல்ஸில் சொலி­சிற்றர் படிப்பை முன்­னெ­டுத்­துள்­ளமை குறிப்­பி­டத்­தக்­கது.

1987 ஆம் ஆண்டு ஜூன் மாதம் சட்ட மா அதிபர் திணைக்­க­ளத்தில் இணைந்­துள்ள அவர், ஆரம்­பத்தில் அங்கு குற்­ற­வியல் துறையில் மேல் நீதி­மன்­றங்­களில் அரச சட்­ட­வா­தி­யாக கட­மை­யாற்­றி­யுள்ளார். அதன் பின்னர் சிவில் வழக்­குகள் தொடர்பில் பொறுப்­பாக செயற்­பட்­டுள்ள தில்­ருக்ஷி டயஸ் பிரதி சொலி­சிற்றர் ஜெனரல் வரை பல்­வேறு பத­வி­களை அங்கு வகித்­துள்ளார்.

இத­னை­விட தில்­ருக்ஷி டயஸ் விக்­ர­ம­சிங்க பிஜி நாட்டின் மேல் நீதிமன்ற நீதிபதியாக செயற்பட்டுள்ளதுடன் இலங்கை விமானப்படையின் தலைமை சட்ட ஆலோசகராகவும் செயற்பட்டுள்ளார். இந் நிலையிலேயே கடந்த 2015 ஆம் ஆண்டு பெப்ரவரி மாதம் 11 ஆம் திகதி தில்ருக்ஷி டயஸ் விக்ரமசிங்க ஜனாதிபதியினால் இலஞ்ச ஊழல் ஆணைக் குழுவின் பணிப்பாளர் நாயகமாக நியமிக்கப்பட்டிருந்தார்.