பரீட்சைத் தாளில் கோஹ்லியின் காதலி குறித்த வினா…!!

மும்பையில் உள்ள இந்தி பள்ளியொன்றின் வினாத்தாளில், கிரிக்கெட் வீரர் விராட் கோலியின் காதலி யார்? என்று இடம்பெற்ற கேள்வி சர்ச்சையைக் கிளப்பியுள்ளது.

மும்பையின் பிவாண்டி பகுதியில் உள்ள சாச்சா நேரு உயர்நிலைப் பள்ளியில் கடந்த வாரம் 9-வது படிக்கும் மாணவிகளுக்கு உடற்பயிற்சி பரீட்சை நடந்தது.

வினாத்தாளை வாசித்துப் பார்த்த மாணவிகள் கடும் அதிர்ச்சி அடைந்தனர். காரணம் கிரிக்கெட் வீரர் விராட் கோலியின் காதலி யார்? என்று கேள்வி கேட்கப்பட்டு இருந்தது. இதைவிடவும் அதிர்ச்சியான விஷயம் என்னவென்றால் காதலி யார்? என விடையளிக்க ஆப்ஷன் கொடுத்திருந்தது தான்.

விடைகளுக்கான ஆப்ஷனில் பிரியங்கா சோப்ரா, அனுஷ்கா சர்மா, தீபிகா ஆகியோரின் பெயர்கள் இடம்பெற்றிருந்தன. கிரிக்கெட் வீரரின் தனிப்பட்ட வாழ்க்கை தொடர்பான கேள்வித்தாள் விவகாரம் மிகப்பெரிய சர்ச்சையை ஏற்படுத்தியுள்ளது.

இதுகுறித்து சாச்சா நேரு உயர்நிலைப் பள்ளியின் தலைமை ஆசிரியை ஏ.ஆர்.பாண்டே கூறுகையில், வினாத்தாளை தயாரித்த உடற்கல்வி ஆசிரியை தான் இந்தத் தவறுக்கு காரணம் என விளக்கமளித்துள்ளார்.