யாழில் போதைப்பொருள் ஒழிப்பு நிகழ்வில் ஜனாதிபதி

பல்வேறு நிகழ்வுகளில் கலந்துகொள்ளும் பொருட்டு, ஜனாதிபதி மைத்திரிபால சிறிசேன யாழ்ப்பாணத்தை வந்தடைந்துள்ளார்.

பலாலிக்கு விமானம் மூலம் வந்தடைந்த ஜனாதிபதி, அங்கிருந்து உலங்கு வானூர்தியில் சென்.ஜோன்ஸ் கல்லூரி மைதானத்தைச் சென்றடைந்தார். இந்நிலையில், யாழ்ப்பாணம் சுப்பிரமணியம் பூங்காவில் திறந்தவெளி அரங்கில் நடைபெறும், போதைப்பொருள் ஒழிப்பு நிகழ்வில் ஜனாதிபதி கலந்துக் கொண்டுள்ளார்.

இதனை தொடர்ந்து யாழ். மத்திய கல்லூரியின் 200ஆவது ஆண்டு விழாவில் பிரதம அதிதியாக கலந்துகொள்ளவுள்ள ஜனாதிபதி, யாழ்.பொலிஸ் நிலையத்தின் புதிய கட்டடத் தொகுதியையும் திறந்து வைக்கவுள்ளமை குறிப்பிடத்தக்கது.