இன்று நள்ளிரவுடன் எரிப்பொருட்களின் விலை குறைகிறது

எக்ஸ்ரா பிரிமியம் யூரோ பெற்றோல் 3 மற்றும் எக்ஸ்ரா மயில் டீசல் ஆகிய எரிப்பொருட்களின் விலை இன்று நள்ளிரவு முதல் அமுலுக்குவரும் வகையில் குறைக்கப்படவுள்ளதாக லங்கா ஐ.ஓ.சி நிறுவனம் அறிவித்துள்ளது.

எக்ஸ்ரா பிரிமியம் யூரோ 3 பெற்றோலின் தற்போதைய விலை 121 ரூபாவாக காணப்படுகின்றது.

இதன்படி, இன்று நள்ளிரவு முதல் 2 ரூபாவினால் எக்ஸ்ரா பிரிமியம் யூரோ 3 பெற்றோலின் விலை குறைக்கப்படவுள்ளதாக அறிவிக்கப்பட்டுள்ளது.

எக்ஸ்ரா மயில் டீசல் தற்போது 97 ரூபாவாக காணப்படுவதுடன், அதன் விலை இன்று நள்ளிரவு முதல் 2 ரூபாவினால் குறைக்கப்படவுள்ளது.

உலக சந்தையில் எரிப்பொருளின் விலை குறைவடைந்துள்ளமையை கருத்திற் கொண்டு தாம் இந்த தீர்மானத்தை எட்டியுள்ளதாக லங்கா ஐ.ஓ.சி நிறுவனம் தெரிவித்துள்ளது