பிரபாகரனின் படம் அச்சிடப்பட்ட டீ சேர்ட் கண்டியில் மீட்பு

கண்டி நகரில் வர்த்தக கட்டிடத் தொகுதி ஒன்றில் உள்ள ஆடை விற்பனை நிலையத்தில் விடுதலைப் புலிகளின் தலைவர் வேலுப்பிள்ளை பிரபாகரனின் படம் மற்றும் தமிழீழம் சின்னம் அச்சிடப்பட்ட டீ சேர்ட் ஒன்று கைப்பற்றப்பட்டுள்ளது.

விற்பனைக்காக கொண்டுவரப்பட்ட துணிகளில் இருந்து இந்த டீ சேர்ட் கண்டெடுக்கப்பட்டதை தொடர்ந்து, கடை உரிமையாளர் அருகில் கடமையில் இருந்த பொலிஸ் அதிகாரியிடம் முறைப்பாடு செய்துள்ளார். அதனைத் தொடர்ந்து அந்த அதிகாரி சம்பவம் தொடர்பில் கண்டி பொலிஸாருக்கு தகவல் வழங்கியுள்ளார்.

குறித்த சம்பவம் தொடர்பில் மத்திய மாகாணம் சிரேஷ்ட உதவிப் பொலிஸ்மா அதிபர் தலைமையில் விசாரணைகள் முன்னெடுக்கப்பட்டுள்ளன.