200 மீட்டரிலும் தங்கம் வென்று போல்ட் வரலாற்றில் இடம்பிடித்தார்

ரியோ ஒலிம்பிக்கில் 200 மீட்டர் இறுதிப் போட்டியிலும் உலகின் ‛மின்னல் வேக மனிதன்’ என்ற பெயருக்கு சொந்தக்காரரான ஹூசைன் போல்ட் தங்கப்பதக்கம் வென்றுள்ளார்.

200 மீட்டர் ஓட்டப் போட்டியில் அவர் தொடர்ச்சியாகப் பெரும் மூன்றாவது தங்கப்பதக்கம் இதுவாகும்.

இன்று காலை நடைபெற்ற ஆண்களுக்காக 200 மீட்டர் ஓட்டப் போட்டியில் ஹூசைன் போல்ட் போட்டித் தூரத்தை 19.78 வினாடிகளில் கடந்து தங்கம் வென்றார்.

முன்னதாக 100 மீட்டர் ஓட்டப் போட்டியிலும் போல்ட் ‛ஹாட்ரிக்’ சாதனை படைத்துள்ளமை குறிப்பிடத்தக்கது. இன்று பெற்ற தங்கப்பதக்கத்துடன் போல்ட் ஒலிம்பிக்கில் 8 தங்கப்பதக்கங்களை வென்றுள்ளார்.

ஹூசைன் போல்ட் 2008 ல் பீஜிங்கில் இடம்பெற்ற போட்டியிலும், 2012 இல் லண்டனில் நடைபெற்ற 200 மீட்டர் ஓட்டப் போட்டியிலும் தங்கப் பதக்கங்களை சுவீகரித்தமை குறிப்பிடத்தக்கது.