அ.தி.மு.க. சட்டப்பேரவை தலைவராக ஜெயலலிதா ஒருமனதாக தெரிவு

அ.தி.மு.க. புதிய எம்.எல்.ஏக்கள் கூட்­டத்தில் சட்­டப்­பே­ரவை கட் சித் தலை­வ­ராக ஜெய­ல­லிதா ஒரு மன­தாக தெரிவு செய்­யப்­பட்­டுள்ளார்.

அதற்­கான கடி­தத்தை ஆளுநர் ரோசய்­யா­விடம் அவர் நேற்று கைய­ளித்தார். 6 ஆவது முறை­யாக தமி­ழக முதல்­வ­ராக நாளை ஜெய­ல­லிதா பத­வி­யேற்­க­வுள்ளார்.

தமி­ழ­கத்தில் கடந்த 16 ஆம் திகதி சட்­டப்­பே­ரவை பொதுத்­தேர்தல் இடம்­பெற்­றது.தேர்தல் ஒத்­தி­வைக்­கப்­பட்ட தஞ்­சாவூர், அர­வக்­கு­றிச்சி தொகு­திகள் தவிர ஏனைய 232 தொகு­தி­க­ளுக்கு தேர்தல் நடந்­தது. எல்லா தொகு­தி­க­ளிலும் அ.தி.மு.க. மற்றும் அதன் கூட்­டணி வேட்­பா­ளர்கள் அ.தி.மு.க.வின் இரட்டை இலை சின்­னத்­தி­லேயே போட்­டி­யிட்­

டனர். தேர்தல் முடி­வுகள் கடந்த வியா­ழ­னன்று வெளி­யா­ யின. இதில் அ.தி.மு.க. கூட்­டணி 134 தொகு­தி­களில் அமோக வெற்­றி­பெற்று ஆட்­சியைத் தக்­க­வைத்துக் கொண்­டது. காம­ராஜர், எம்.ஜி.ஆர்.ருக்குப் பின்னர் தொடர்ந்து 2 ஆவது முறை­யாக ஆட்­சியைக் கைப்­பற்றி ஜெய­ல­லிதா புதிய சாதனை படைத்தார். இந்த வெற்­றியைத் தொடர்ந்து 6 ஆவது முறை­யாக அவர் தமி­ழக முதல்­வ­ரா­கிறார்.

இந்­நி­லையில், நேற்­று­முன்­தினம் பிற்­பகல் சென்­னையில் பெரியார், அண்ணா, எம். ஜி.ஆர். சிலை­க­ளுக்கு முதல்வர் ஜெய­ல­லிதா மாலை அணி­வித்து மரி­யாதை செலுத்­தினார். அவ­ருக்கு வழி­யெங்கும் அ.தி.மு.க.வினர் உற்­சாக வர­வேற்­ப­ளித்­தனர். தொடர்ந்து, அ.தி.மு.க.வின் புதிய எம்.எல்.ஏக்கள் கூட்டம் ராயப் பேட்டை அவ்வை சண்­முகம் சாலையில் உள்ள அ.தி.மு.க. தலைமை அலு­வ­ல­கத்தில் இடம்­பெற்­றுள்­ளது.

இக்­கூட்­டத்தில், ஜெய­ல­லி­தாவை சட்­டப்­பே­ரவை அ.தி.மு.க. கட்சித் தலை­வ­ராக ஒரு மன­தாக தேர்வு செய்து தீர்­மானம் நிறை­வேற்­றப்­பட்­டது.

கூட்டம் முடிந்­ததும், தீர்­மானம் மற்றும் எம்.எல்.ஏக்கள் கையெ­ழுத்து அடங்­கிய கடிதம் முதல்வர் ஜெய­ல­லி­தா­விடம் ஒப்­ப­டைக்­கப்­பட்­டது. இதைத் தொடர்ந்து, ஆளுநர் ரோசய்­யாவை ஜெய­ல­லிதா நேற்று சந்­தித்தார். அப்­போது ஆட்­சி­ய­மைக்க உரிமை கோரி ஆளு­ந­ரிடம் ஜெய­ல­லிதா கடிதம் அளித்­துள்ளார்.

ஆட்­சி­ய­மைக்க ஆளுநர் அழைப்பு விடுத்­ததும், நாளை பகல் 12 மணிக்குப் பின்னர் தமிழக முதல்வராக ஜெயலலிதா பதவியேற்கிறார். சென்னை பல்கலைக்கழக நூற்றாண்டு விழா மண்டபத்தில் பதவியேற்பு விழா இடம்பெறவுள்ளது.