தற்கொலை அங்கி தொடர்பாக ரணில் இன்று விசேட உரை!

புதிய அரசியலமைப்பை உருவாக்கும் நோக்கில் பாராளுமன்றம் மாற்றப்பட்டுள்ள நிலையில் அரசியல் அமைப்புப் பேரவையின் முதலாவது அமர்வு இன்று இடம்பெறுகிறது.

பாரா­ளு­மன்றம் இன்று செவ்­வாய்க்­கி­ழமை பிற்­பகல் 1.00 மணிக்கு கூடவுள்ள நிலையில் 2.00 மணிக்குப் பின்னர் அர­சி­ய­ல­மைப்பு சபைக்­கான அமர்வு நடை­பெறும் என பாரா­ளு­மன்றம் பிரதிச் செய­லாளர் நாயகம் நீல் தித்­த­வல தெரி­வித்தார்.

அதே­வேளை இன்­றைய சபை அமர்வில் ஸ்ரீலங்கா பிர­தமர் ரணில் விக்­கி­ர­ம­சிங்க தாயகத்தின் யாழ்ப்­பா­ணத்தில் கைப்­பற்­றப்பட்ட ஆயு­தங்கள் தொடர்­பாக விசேட உரை­யொன்றை ஆற்­ற­வுள்­ள­தா­கவும் தெரியவரு­கி­றது.

இன்­றைய பாரா­ளு­மன்ற அமர்வு தொடர்பில் பாரா­ளு­மன்ற பிரதிச் செய­லாளர் நீல் தித்­த­வல மேலும் தெரி­விக்­கையில்,

செவ்­வாய்க்­கி­ழமை 1.00 மணிக்கு ஆரம்­ப­மாகும் பாரா­ளு­மன்ற சபை அமர்­வுகள் எதிர்­வரும் வியா­ழக்­கி­ழமை வரை மூன்று தினங்­களே நடை­பெ­ற­வுள்­ளன. வெள்­ளிக்­கி­ழமை பாரா­ளு­மன்ற அமர்வு இடம்­பெ­ற­மாட்­டாது.

நண்­பகல் 1.00 மணிக்கு ஆரம்­ப­மாகும் பாரா­ளு­மன்ற அமர்வு 2.00 மணி­வரை வாய்­மூல கேள்­வி­க­ளுக்­கான பதி­ல­ளிக்கும் மற்றும் சபையில் ஏனைய விட­யங்கள் நடை­பெறும். அதன் பின்னர் அரசியலமைப்பு பேரவையின் முதலாவது அமர்வு நடைபெறும் என்றார்.

புதிய அர­சி­ய­ல­மைப்பை நோக்கில் பாரா­ளு­மன்­றத்தை அர­சி­ய­ல­மைப்பு சபை­யாக மாற்றும் பிரே­ரணை அண்மையில் நிறை­வேற்­றப்­பட்­ட­தற்கு அமை­வாகவே இன்று செவ்வாய் கிழமை பிற்­பகல் 2 மணிக்கு அர­சி­ய­ல­மைப்பு சபையின் கன்னி அமர்வு இடம்­பெ­ற­வுள்­ளது.

2017 ஆம் ஆண்டு இறு­திக்குள் அர­சி­ய­ல­மைப்பு மறு­சீ­ர­மைப்பை உரு­வாக்கி அதனை சர்­வ­ஜன வாக்­கெ­டுப்பின் ஊடாக நிறை­வேற்றிக் கொள்­ள­வ­தற்கு அர­சாங்கம் உத்­தே­சித்­துள்­ளது. இந்­நி­லையில் தேசிய பிரச்­ச­னைக்கு தீர்வை எட்­ட­கூ­டிய பொறி­மு­றை­யொன்றை முன் வைத்தல் , தற்­போது காணப்­படும் விருப்பு வாக்கு முறை­மையை அடிப்­ப­டை­யாக தேர்தல் முறை­மையை மாற்­றி­ய­மைத்தல் என்­ப­ன­வற்றை அடிப்­ப­டை­யாக கொண்டே அர­சி­ய­ல­மைப்பு மறு­சீ­ர­மைப்பு பணிகள் முன்­னெ­டுக்­கப்­ப­ட­வுள்­ளன.

சபா­நா­யகர் கரு ஜய­சூ­ரிய தலை­மையில் பாரா­ளு­மன்­றத்தில் கூடவுள்ள அர­சி­ய­ல­மைப்பு சபைக்கு 7 உப தலை­வர்கள் தெரிவு செய்­யப்­படவுள்­ளனர். சபா­நா­யகர் அற்ற நிலையில் அர­சி­ய­ல­மைப்பு சபை கூடி விட­யங்­களை ஆரா­யு­மாயின் அதற்கு தலை­வ­ராக , இன்று தெரிவு செய்­யப்­ப­டும 7 பேரில் ஒருவர் தலை­மைத்­து­வத்தை ஏற்று செயற்­ப­டுவர்.

அத்­துடன் இன்­றைய கன்­னி­ய­மர்வில் உத்­தேச புதிய அர­சி­ய­ல­மைப்பு வரைபை தயா­ரிக்கும் பணி­க­ளுக்கு வழிக்­காட்ட விஷேட குழு ஒன்றும் ஸ்தாபிக்­கப்­பட்டு அந்த குழ­விற்கு பொறுப்­புகள் கைய­ளிக்­கப்­பட உள்­ளன. இந்த விஷேட குழுவில் பிர­தமர் ரணில் விக்­ர­ம­சிங்க , எதிர் கட்சி தலைவர் இரா.சம்­பந்தன் , சபை முதல்வர் அமைச்சர் லக்ஷ்மன் கிரி­யெல்ல மற்றும் நீதி அமைச்சர் விஜே­தாச ராஜ­பக்ஷ உட்­பட 17 உள்­ள­டங்­கு­கின்­றனர்.

புதிய அரசியலமைப்பிற்கான இந்த வழிக்காட்டல் குழுவிற்கு பிரதமர் ரணில் விக்ரசிங்க தலைமை தாங்குவார். குழுவின் தேவைக்கேற்ப உப குழுக்களை ஸ்தாபித்து செயற்பட அதிகாரம் வழங்கப்பட்டுள்ளது. ஆனால் உப குழுவின் ஆகக் கூடிய உறுப்பினர்கள் எண்ணிக்கையாக 11 பேர் காணப்படுவர்.