இந்திய மீனவர்கள் 8 பேர் கைது

இலங்கை கடற்பரப்பில் அத்துமீறி மீன்பிடியில் ஈடுபட்ட குற்றச்சாட்டில் இந்திய மீனவர்கள் 8 பேர் கைதுசெய்யப்பட்டுள்ளனர்.

இந்த மீனவர்கள் 8 பேரும் யாழ்ப்பாணம் – காங்கேசன்துறை வடக்கு கடற்பரப்பில் வைத்து நள்ளிரவு கைதுசெய்யப்பட்டதாக கடற்படை பேச்சாளர் அக்ரம் அலவி  தெரிவித்துள்ளார்

புதுக்கோட்டை மாவட்டம் கோட்டைப்பட்டினம் பகுதியைச் சேர்ந்த மீனவர்களே இவ்வாறு கைதுசெய்யப்பட்டிருப்பதோடு இவர்கள் பயணித்த இரண்டு விசைப்படகுகளையும் கடற்படையினர் கைப்பற்றியுள்ளனர்.கைதுசெய்யப்பட்ட மீனவர்கள் இன்று வியாழக்கிழமை காலை யாழ்ப்பாணம் நீரியல்வளத் திணைக்களத்திடம்  ஒப்படைக்கப் பட்டுள்ளனர்.

குறித்த மீனவர்கள் இன்றைய தினம் நீதிமன்றத்தில் முன்னிலைப்படுத்தப்படவுள்ளனர்