அனைத்து கைதிகளினதும் உரிமைகள் பாதுகாக்கப்படும்! - சுவாமிநாதன்

சிறைச்­சா­லை­களில் தடுத்து வைக்­கப்­ப­டு­கின்ற அனைத்து கைதி­களின் உரி­மை­க­ளையும் சிறைச்­சாலை திணைக்­களம் பாது­காக்கும் என சிறைச்­சா­லைகள் மீள்­கு­டி­யேற்ற மற்றும் புனர்­வாழ்வு அமைச்சர் டி.எம். சுவா­மி­நாதன் தெரி­வித்தார்.

நாட­ளா­விய ரீதியில் உள்ள சிறைச்­சா­லை­களில் காணப்­படும் போதைப்­பொருள் பாவனை உள்­ளிட்ட சட்­ட­வி­ரோத செயற்­பா­டு­களை கட்­டுப்­ப­டுத்­து­வது தொடர்பில் பல்­வேறு செயற்­றிட்­டங்­களை முன்­னெ­டுக்க நட­வ­டிக்கை எடுக்­கப்­பட்­டுள்­ள­தா­கவும் அவர் குறிப்­பிட்டார்.

கொழும்பு வெலிக்­கடைச் சிறைச்­சா­லையில் கைதி­க­ளி­டையே போதைப்­பொருள் பாவனை உள்­ளிட்ட சட்­ட­வி­ரோத பொருட்­களை கையா­ளுதல் உள்­ளிட்ட செயற்­பா­டு­களை கட்­டுப்­ப­டுத்தும் முக­மாக பயிற்­சி­ய­ளிக்­கப்­பட்ட நான்கு பொலிஸ் மோப்ப நாய்­களை சிறைச்­சா­லைக்கு கைய­ளிக்கும் நிகழ்வு நேற்று திங்கட்கிழமை சிறைச்­சா­லைகள் மறு­சீ­ர­மைப்பு மற்றும் மீள்­கு­டி­யேற்ற இந்து கலா­சார அமைச்சர் டி.எம் சுவா­மி­நாதன் தலை­மையில் இடம் பெற்­றது. இந்­நி­கழ்வில் கலந்து கொண்டு உரை­யாற்­று­கை­யி­லேயே அமைச்சர் மேற்­கண்­ட­வாறு குறிப்­பிட்டார்.

இந்­நி­கழ்வில் தொடர்ந்து அமைச்சர் டி.எம். சுவா­மி­நாதன் உரை­யாற்­று­கையில்

நாட­ளா­விய ரீதியில் காணப்­படும் சிறைச்­சா­லை­களில் கைதிகள் சட்­ட­வி­ரோத போதைப்­பொ­ருட்கள் உள்­ளிட்ட சில பொருட்­களை சிறைச்­சா­லை­களில் பயன்­ப­டுத்தல், அவற்றை ஏனை­யோ­ருக்கு விற்­பனை செய்தல் உள்­ளிட்ட சில விட­யங்­களை கட்­டுப்­ப­டுத் தும் முக­மாக சிறைச்­சா­லைகள் திணைக்­களம் செயற்­றிட்­டங்­களை முன்­னெ­டுக்க உத்­தே­சித்­துள்­ளது.

அந்­த­வ­கையில் முதல் கட்­ட­மாக வெலிக்­கடைச் சிறைச்­சா­லைக்கு பயிற்சி பெற்ற நான்கு மோப்ப நாய்கள் வழங்­கப்­பட்­டுள்­ளன.

இத­னி­டையே சிறைச்­சா­லை­களில் தடுத்து வைக்­கப்­பட்­டுள்ள சிறைக்­கை­தி­களின் உரி­மை­களை பாது­காக்கும் பாரிய பொறுப்பு எம்­மிடம் உள்­ளது. இவ்­வா­றான நிலையில் சர்­வ­தேச நாடு­களின் உத­வி­களின் அடிப்­ப­டையில் சிறைச்­சாலை திணைக்­க­ளத்தின் கீழ் உள்­­வாங்­கப்­படும் அதி­கா­ரி­க­ளுக்கு பயிற்­சி­களும் வெளி­நா­டு­களில் வழங்­கப்­ப­ட­வுள்­ளது. இவ்­வா­றான செயற்­றிட்­டங்கள் மூலம் சிறைச்­சாலை திணைக்­கள அதி­க­ாரி­க­ளி­ட­மி­ருந்து உரிய சேவை­களை பெற்­றுக்­கொள்ள முடி­யும்­மென எதிர்­பார்க்­கின்றோம்.

எதிர்­வரும் காலங்­க­ளிலும் நாட­ளா­விய ரீதியில் உள்ள சிறைச்­சா­லை­களை மறு­சீ­ர­மைப்­பதன் மூலம் அனைத்­து­வி­த­மான குறை­பா­டு­க­ளையும் நிவர்த்­தி­செய்ய எதிர்­பார்க்­கின்றோம். கடந்­த ­கா­லங்­களில் சிறைச்­சா­லை­களில் உள்ள கைதி­களை இட­மாற்றம் செய்ய முடி­யா­மைக்­கான காரணம் இடப்­பற்­றாக்­குறை உள்­ளிட்ட சில விட­யங்­களில் காணப்­ப­டு­கின்ற தொடர்ச்­சி­யான குறை­பா­டு­க­ளாகும். அந்­த­வ­கையில் ஜனா­தி­பதி மைத்­தி­ரி­பால சிறி­சேன, பிர­தமர் ரணில் விக்கிரமசிங்க தலைமையின் கீழ் சில செயற்றிட்டங்களை எதிர்வரும் காலங்களில் முன்னெடுக்க எதிர்பார்க்கின்றோம் என்றார்.

இதேவேளை இந் நிகழ்வானது நேற்று காலை 9.30க்கு ஆரம்பமாகும் என அமைச் சினால் அறிவிக்கப்பட்டிருந்த நிலையில் மூன்று மணித்தியாலங்களுக்கு பின்னரே நடைபெற்றமை குறிப்பிடத்தக்கது.