மஹிந்தவை கைது செய்ய வேண்டும் - கம்பன்பில கோரிக்கை

முன்னாள் ஜனா­தி­பதி மஹிந்த ராஜ­ப­க்ஷவின் தலை­மைத்து­வத்தில் உரு­வா­க­வுள்ள புதிய கட்­சியின் உரு­வாக்­கத்தை தடுக்­கவும், அர­சியல் பழி­வாங்­கல்­க­ளுக்காகவுமே மஹிந்த ராஜப­க்ஷவின் இரண்டாவது புதல்வர் யோஷித ராஜ­ப­க்ஷவை கைது செய்­துள்­ளனர். அரச வளங்­களை சூறை­யா­டி­ய­தாக தொடர்ச்­சி­யாக மஹிந்த ராஜ­பக்ஷ மீது குற்றம் சுமத்தும் நல்லாட்சி அர­சா­னது இவற்றில் உண்­மைத்­தன்மை காணப்­ப­டு­மாயின் அவரை கைது செய்ய வேண்டும் என பாரா­ளு­மன்ற உறுப்­பினர் உதய கம்­பன்­பில தெரி­வித்தார்.

யோஷித்­தவின் கைது தொடர்பில் அர­சாங்­கத்தின் எந்­த­வொரு அமைச்­ச­ரு­டனும் பகி­ரங்க விவா­தத்­திற்கு நான் தயா­ராக என சவால் விடுக்­கின்றேன் என்றும் அவர் குறிப்­பிட்டார்.

கொழும்பில் அமைந்­துள்ள என்.எம். பெரேரா கேந்­திர நிலை­யத்தில் நேற்று புதன்­கி­ழமை இடம்­பெற்ற ஊட­க­வி­ய­லாளர் சந்­திப்பின் போதே கொழும்பு மாவட்ட பாரா­ளு­மன்ற உறுப்­பி­னரும் பிவித்­துரு ஹெல உரு­மய கட்­சியின் தலை­வ­ரு­மான உதய கம்­பன்­பில மேற்­கண்­ட­வாறு தெரி­வித்தார்.

பாரா­ளு­மன்ற உறுப்­பினர் உதய கம்­பன்­பில குறிப்­பி­டு­கையில்

முன்னால் ஜனா­தி­பதி மஹிந்த ராஜ­ப­க்ஷவின் புதல்­வ­ரான யோஷித ராஜ­பக்ஷ நல்­லாட்சி அர­சாங்­கத்தின் ஒரு சில அர­சியல் பழி­வாங்­கல்­களின் அடி­ப­டை­யி­லேயே கைது செய்­யப்­பட்டு சிறையில் அடைக்­கப்­பட்­டி­ருக்­கின்றார்.

சி.எஸ்.என். தொலைக்­காட்சி ஆரம்­பிப்­ப­தற்கு 207 மில்­லியன் ரூபா மூல­த­ன­மாக இடப்­பட்­டுள்­ளது. இது எவ்­வாறு கிடைக்­கப்­பெற்­றது என்­பது தொடர்பில் முன்­னெ­டுக்­கப்­பட்ட விசா­ர­னை­களின் அடி­ப­டை­யி­லேயே யோஷித ராஜ­ப­க்ஷவை பொலிஸ் நிதிக் குற்­ற­வியல் பிரி­வினர் கைது செய்து சிறைச்­சா­லையில் அடைத்து வைத்­துள்­ளனர்.

இத­னி­டையே சி.எஸ்.என். தொலைக்­காட்சி ஆரம்­பிக்­கப்­பட்ட போது 5 மில்­லியன் ரூபா வெளி­நா­டொன்றில் இருந்து கிடைக்கப் பெற்­றது என கூறப்­பட்­டுள்­ள­மை­யா­னது முற்­றி­லும்­பொய்­யான விடயம். அவ்­வாறு எவ்­வா­றான தொகையும் வெளி­நாட்­டி­லி­ருந்து கிடைக்­க­பெ­ற­வில்லை. மிகு­தி­யாக காணப்­படும் 202 மில்­லியன் தொகை­யா­னது வங்­கிகள் மூலமும் சில வர்த்­த­கர்­களின் மூலமும் கட­னா­கவே பெறப்­பட்­டுள்­ளது. கடந்­தக்­கா­லங்­களில் இதில் பெறப்­பட்ட வரு­மா­னங்கள்; மூல­மாக இதில் சில குறிப்­பிட்ட கடன்­க­ளா­னது வட்டி உள்­ள­டங்­க­ளாக செலுத்­தப்­பட்­டுள்­ளது. இந்த தொலைக்­காட்­சியில் எத்­தனை பேர் பங்­கு­தா­ரர்கள் மற்றும் இது தொடர்­பி­லான தெளி­வான அறிக்­கை­யையும், ஆதா­ரத்­தையும் நாங்கள் நீதி­மன்­றிலும், பொலிஸ் நிதிக் குற்­ற­வியல் பிரி­விலும் சமர்ப்­பித்­துள்ளோம். இவ்­வா­றான நிலையில் அர­சாங்கம் குறிப்­பி­டு­வ­தா­னது உண்­மை­யென்றால் அதன் சாட்­சி­யங்­களை முன்­வைக்­கு­மாறு அர­சிடம் கோரிக்கை விடுப்­ப­தோடு சவால் விடுக்­கின்றோம்.

முன்னாள் ஜனா­தி­பதி மஹிந்த ராஜ­பக்ஷ தலை­மையில் புதிய கட்­சி­யொன்று உரு­வாகும் என்ற அச்­சத்தின் கார­ண­மா­கவே மைத்­திரி யோஷி­தவை கைது­செய்ய உத்­த­ர­விட்­டுள்ளார். நாட்டின் சட்டம் அர­சியல் நட­வ­டிக்­கை­க­ளுக்­காகப் பயன்­ப­டுத்­தப்­பட இட­ம­ளிக்க முடி­யாது. நாட்டின் அரச வளங்­களை யோஷி­தவோ மஹிந்­தவோ அல்­லது எவ­ரா­யினும் சூறை­யா­டி­யி­ருந்தால் சட்­டத்தின் முன் நிறுத்­தலாம். அதற்கு நாங்­களும் எதிர்ப்புத் தெரி­விக்கப் போவ­தில்லை.

ஆனால், பொய் குற்­றச்­சாட்டில் ஒரு­வரின் அர­சியல் நட­வ­டிக்­கை­களை முடக்­கு­வ­தற்கு இவ்­வாறு மேற்­கொள்­ளப்­படும் செயற்­பா­டு­க­ளுக்கு அனு­ம­த­ய­ளிக்கக் முடி­யாது. யோஷித கைது­செய்­யப்­பட்­ட­மைக்­கான காரணம் தொடர்பில் அர­சுடன் நேரடி விவா­தத்­திற்கு நாங்கள் தயா­ராக இருக்­கின்றோம். அர­சாங்­கத்தின் எந்­த­வொரு அமைச்­ச­ரா­வது அதற்கு தயார் என்றால் நானும் தயார்.

மைத்­திரி - மஹிந்த சந்­திப்பு

அமைச்சர் எஸ்.பி திஸா­நா­யக்க கடந்த ஊட­வி­ய­லாளர் சந்­திப்பில் முன்னாள் ஜனா­தி­பதி மஹிந்த ராஜ­பக்ஷ தனது குடும்­பத்தை காப்­பாற்­றவே தனது கட்­சியின் தலைமை பத­வியை துறந்­த­தா­கவும் நிறை­வேற்று அதி­கா­ரத்தை பயன்­ப­டுத்தி நாமல், சிரந்தி ராஜக்ஷவின் கைதை ஜனாதிபதி மைத்திரிபால சிறிசேன இடைநிறுத்தியதாகவும் குறிப்பிட்டிருந்தார். இந்த கருத்தில் ஒரு விடயம் மக்களுக்கு தெளிவுப்படுத்தப்பட்டுள்ளது அதாவது சர்வாதிகார ஆட்சியையும் நிறைவேற்று அதிகாரத்தையும் ஒழிப்பதாக தெரிவித்தவர்களே அதனை பயன்படுத்தியுள்ளமை தெட்ட தெளிவாக புலப்படுகின்றது. எனவே இது தொடர்பில் மக்கள் உண்மை தன்மையினை புரிந்து கொள்வார்கள் என்றார்.