பிரகீத் கடத்தல் - முல்லைதீவு முகாமின் இராணுவ சிப்பாய் கைது!

கடத்தப்பட்டு கொலை செய்யப்பட்டிருக்கலாம் என நம்பப்படும் ஊடகவியலாளர் பிரகீத் எக்னலிகொட விவகாரம் தொடர்பில் சந்தேகத்தின் பேரில் மேலும் ஒரு இராணுவ சிப்பாய் கைது செய்யப்பட்டுள்ளதாக தெரிவிக்கப்படுகின்றது.

இவ்வாறு கைது செய்யப்பட்டவர், முல்லைத்தீவு இராணுவ முகாமை சேர்ந்த இராணுவ சிப்பாய் என்றும் இவர், ஹோமாகம நீதவான் நீதிமன்றத்தில் ஆஜர்படுத்தப்படவுள்ளதாகவும் குறிப்பிடப்படுகின்றது.

ஊடகவியலாளர் பிரகீத் எக்னலிகொடவை கடத்தியதாக கூறப்படுகின்ற சம்பவத்துடன் தொடர்புடைய 6 இராணுவ சிப்பாய்கள் கைது செய்யப்பட்டு கொழும்பு வெலிக்கடை சிறையில் தடுத்து வைக்கப்பட்டுள்ளனர்.

இந்த கடத்தல் மற்றும் கொலை உத்தரவு என்பன முன்னாள் பாதுகாப்பு செயலாளர் கோட்டாபய ராஜபக்ஷவினால் வழங்கப்பட்டுள்ளதாக சில தரப்பினர் குற்றம் சுமத்தி வருகின்றமை குறிப்பிடத்தக்து.