ஓரணியில் உழவர் திருநாள்-வைரமுத்துவும் கலந்துகொண்டார்(படங்கள்)

வடக்கு உழவர் பெருவிழா சற்று முன்னர் முல்லைத்தீவு

வித்தியானந்த கல்லூரியில் மழைத்தூறலுடன் ஆரம்பமானது. வடமாகாண விவசாய அமைச்சின் 2016 ஆம் ஆண்டுக்கான உழவர் பெருவிழா முல்லைத்தீவு, முள்ளியவளை வித்தியானந்தா கல்லூரியில் ஆரம்பமாகியுள்ளது.

இந்த நிகழ்வில் த.தே.கூட்டமைப்பின் பாராளுமன்ற உறுப்பினர்களும் வடமாகாணசபை முதலமைச்சர் மற்றும் அமைச்சர்களும் கலந்து சிறப்பித்துள்ளனர்.

வடமாகாண விவசாய அமைச்சர் பொ. ஐங்கரநேசன் தலைமையில் நடைபெறும் இப்பெருவிழாவில் பிரதம விருந்தினராக வடமாகாண முதலமைச்சர் சீ.வி. விக்னேஸ்வரன் மற்றம் சிறப்பு விருந்தினராக தமிழகத்தின் பிரபல கவிஞரும் பாடலாசிரியருமான வைரமுத்துவும் கலந்துகொண்டுள்ளனர்.

உழவர்களுக்கு மரியாதை செய்யும் விதமாக நடைபெறவுள்ள இந்த உழவர் பெருவிழாவில் மாவட்ட ரீதியாக 2015 ஆம் ஆண்டுக்கான சிறந்த வீட்டுத் தோட்டப் பயிர்ச் செய்கையாளர்களும், சேதனப் பயிர்ச் செய்கையாளர்களும், கால்நடைப் பண்ணையாளர்களும், கோழிப் பண்ணையாளர்களும் விருதுகள் வழங்கி கௌரவிக்கப்படவுள்ளனர்.