இடைநிறுத்தப்பட்ட கொழும்பு-சென்னை விமான சேவை இன்று ஆரம்பம்

தமிழகத்தில் ஏற்பட்ட பாரிய வெள்ளப்பொருக்கு காரணமாக தற்காலிகமாக இடைநிறுத்தப்பட்ட கொழும்பு மற்றும் சென்னைக்கு இடையிலான விமான சேவை இன்று (செவ்வாய்க்கிழமை) மீள ஆரம்பிக்கப்படவுள்ளது.

அதனடிப்படையில் இன்று பிற்பகல் 1.45 மணியளவில் யூ.எல்.127 எனும் விமானம் சென்னை நோக்கி பயணிக்கவுள்ளதாகவும், குறித்த விமானம் பிற்பகல் 3.05 அளவில் சென்னையை சென்றடையுமெனவும், விமான நிலையத்தின் பேச்சாளர் தீபால் பெரேரா தெரிவித்துள்ளார்.

அத்துடன், யூ.எல் 128 என்ற விமானம் இன்று பிற்பகல் 4.05 அளவில் சென்னையிலிருந்து இலங்கை நோக்கி பயணிக்கவுள்ளதாகவும் அது, பிற்பகல் 5.25 மணியளவில் கட்டுநாயக்க விமான நிலையத்தை வந்தடையுமெனவும் அவர் மேலும் தெரிவித்தார்.

இதேவேளை சென்னை வெள்ளம் காரணமாக புத்தகாயாவில் நிர்க்கதிக்குள்ளான மேலும் 310 இலங்கை யாத்திரீகர்கள், இன்று நாட்டிற்கு அழைத்துவரப்படவுள்ளமையும் குறிப்பிடத்தக்கது.