மைத்திரி இன்று புனித பாப்பரசரை சந்திக்கிறார்

இரண்டு நாள் உத்தியோகபூர்வ விஜயம் மேற்கொண்டு இத்தாலியின் ரோம் நோக்கிச் சென்றுள்ள ஜனாதிபதி மைத்திரிபால சிறிசேன, இன்று (திங்கட்கிழமை) காலை பரிசுத்த பாப்பரசரை சந்தித்து ஆசி பெறவுள்ளார்.

அதனைத் தொடர்ந்து இன்று அந்நாட்டின் முக்கிய பிரமுகர்களுடன் இருதரப்பு பேச்சுவார்த்தையில் ஈடுபடவுள்ளார்.

நாளைய தினம் வத்திக்கானிலுள்ள தொல்பொருள் காட்சியகத்தினை ஜனாதிபதி பார்வையிடவுள்ளதாக, ஜனாதிபதியின் ஊடகப் பிரிவு தெரிவித்துள்ளது.

பரிசுத்த பாப்பரசரின் அழைப்பினை ஏற்று அங்கு சென்றுள்ள ஜனாதிபதி மைத்திரி உள்ளிட்ட குழுவினர் நேற்று மாலை குமுதினோ விமான நிலையத்தை அடைந்ததோடு, அங்கு அவர்களுக்கு மகத்தான வரவேற்பு அளிக்கப்பட்டமை குறிப்பிடத்தக்கது.