ஜெயபாலனுக்கு மங்கள அழைப்பு

இலங்கைக்கு விஜயம் செய்யுமாறு இந்திய கலைஞர் ஐ.எஸ. ஜெயபாலனுக்கு வெளிவிவகார அமைச்சர் மங்கள சமரவீர அழைப்பு விடுத்துள்ளார்.

இலங்கைப் பூர்வீகமாகக் கொண்ட கவிஞர் கலைஞர் ஜெயபாலனை நாட்டுக்கு வருகை தருமாறு அழைத்துள்ளார். அண்மையில் இலங்கையில் நடைபெற்ற நிகழ்வு ஒன்றில் பங்கேற்பதற்காக வீசா விண்ணப்பித்த இலங்கை அரசாங்கம் ஜெயபாலனுக்கு வீசா வழங்க மறுத்திருந்தது.

இந்த விடயம் குறித்து வெளிவிவகார அமைச்சிடம் சிங்கள ஊடகம் ஒன்று கேள்வி எழுப்பியிருந்தது. ஜெயபாலனின் வீசா நிராகரிக்கப்பட்டமை குறித்து விசாரணை நடத்தப்படும் என அவர் தெரிவித்துள்ளார். இலங்கைக்கு விஜயம் செய்யுமாறு தாம் பகிரங்கமாக அழைப்பு விடுப்பதாக மங்கள சமரவீர தெரிவித்துள்ளார்.