கினிகத்தேனை - தியகல பகுதியில் இரு பஸ்கள் நேர்க்கு நேர் மோதி விபத்து - 20 பேர் வரை காயம் (படங்கள்)

கினிகத்தேனை - தியகல பகுதியில் இன்று பகல் இடம்பெற்ற விபத்தில் 20பேர் காயமடைந்துள்ளனர். 

ஹட்டனிலிருந்து கண்டி நோக்கிச் சென்ற தனியார் பஸ் ஒன்றும் கண்டியிலிருந்து ஹட்டன் நோக்கி சென்ற இலங்கை போக்குவரத்து சபைக்கு சொந்தமான பஸ் ஒன்றும் நேருக்கு நேர் மோதியதில் இந்த விபத்து ஏற்பட்டுள்ளது. 

இதில் காயமடைந்தவர்கள் வட்டவளை மற்றும் கினிகத்தேனை ஆகிய வைத்தியசாலைகளில் அனுமதிக்கப்பட்டனர். இவர்களில் மேலதிக சிகிச்சைக்காக நால்வர் நாவலப்பிட்டி வைத்தியசாலைக்கு மாற்றப்பட்டுள்ளனர். 

தனியார் பஸ் சாரதியின் கவனயீனம் காரணமாகவே இவ் விபத்து நேர்ந்துள்ளதாக கினிகத்தேனை பொலிஸார் தெரிவித்துள்ளனர். சம்பவம் குறித்த மேலதிக விசாரணைகள் மேற்கொள்ளப்பட்டு வருகின்றன.