யாழ். கச்சேரி பகுதியில் ரயில் விபத்து: ஒருவர் உயிரிழப்பு

யாழ்ப்பாணம், கச்சேரிக்கு முன்னாள் உள்ள ரயில் கடவையில் இடம்பெற்ற ரயில் விபத்தில் ஒருவர் சம்பவ இடத்திலேயே உயிரிழந்திருப்பதாக பொலிஸார் தெரிவித்துள்ளனர்.

யாழ்ப்பாணத்திலிருந்து கொழும்பு நோக்கி பயணித்த கடுகதி ரயில், குறித்த ரயில் கடவைக்கு அருகில் வைத்து காரொன்றுடன் மோதியுள்ளது. குறித்த சம்பவம் இன்று (சனிக்கிழமை) பிற்பகல் வேளையில் இடம்பெற்றுள்ளது.

விபத்துக்குள்ளான காரில், நான்கு பேர் பயணித்திருந்த நிலையில், ஒருவர் ஸ்தலத்திலேயே உயிரிழந்துள்ளார். ஏனைய மூவரும் படுகாயமடைந்த நிலையில், யாழ். போதனா வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.

இந்நிலையில், குறித்த விபத்து சம்பவம் தொடர்பிலான மேலதிக விசாரணைகளை பொலிஸார் முன்னெடுத்து வருகின்றனர்.