கோதாபய காரணமாகவே பொன்சேக்கா என்னைச் சாடுகிறார்! விஜயதாஸ

அவன்கார்ட் கொடுக்கல் வாங்கல் குறித்து பீல்ட் மார்ஷல் சரத் பொன்சேக்கா தம்மீது சுமத்தும் குற்றச்சாட்டுகளினால் நியாயம் இல்லை எனவும்,அவை அடிப்படையின்றி சுமத்தப்படும் குற்றச்சாட்டுக்கள் என்றும் நீதியமைச்சர் விஜேதாஸ ராஜபக்ச தெரிவித்துள்ளார்.

தன்னுடன் ஏற்பட்ட மனக்கசப்பே சரத் பொன்சேக்கா இவ்வாறு குற்றச்சாட்டுக்களைச் சுமத்த காரணம் என்றும் அவர் தெரிவித்துள்ளார். அவன்கார்ட் சம்பவம் குறித்து விசாரணை நடத்த முன்னாள் பாதுகாப்புச் செயலாளர் கோதாபய ராஜபக்சவை கைதுசெய்வதைத் தான் தடுத்ததாக சரத் பொன்சேக்கா நம்புவதே இதற்குக் காரணம் என்றும் விஜேதாஸ ராஜபக்ச தெரிவித்துள்ளார்.

எந்த வகையிலாவது முன்னாள் பாதுகாப்புச் செயலாளர் கோதாபய ராஜபக்ச கைதுசெய்யப்பட வேண்டும் எனக் கோருபவர்களில் சரத் பொன்சேக்காவும் முக்கியமானவர் என்றும் அவர் சுட்டிக்காட்டியுள்ளார்.