இலங்கைத் தமிழர் பிரச்சினைக்காக நடிகர் சங்கம் போராட்டம் நடத்தாது - சொல்கிறார் விஷால்

காவிரி, இலங்கைத் தமிழர் உள்­ளிட்ட பிரச்­சி­னை­க­ளுக்கு எனது தனிப்­பட்ட முறையில் ஆத­ரவு உண்டு. ஆனால், நடிகர் சங்கம் சார்பில் போராட்டம் நடத்தமாட்டோம் என்று நடிகர் விஷால் தெரி­வித்­துள்ளார்.

சென்­னையில் செய்­தி­யா­ளர்­க­ளுக்கு அவர் அளித்த பேட்­டியில், கடந்த 10 ஆண்­டு­க­ளாக சினி­மாவில் நடித்­துக்­கொண்­டி­ருக்­கிறேன். இப்­போது நடிகர் சங்க பொதுச்­செ­ய­லாளர் என்ற பத­வியும் வந்­தி­ருக்­கி­றது. நடி­க­ரா­கவும், சங்­கத்தின் பொதுச்­செ­ய­லா­ள­ரா­கவும் இரண்டு பணி­களை செய்­ய­வேண்­டிய கட­மையில் இருக்­கிறேன். பொறுப்­புக்கள் அதி­க­மா­கி­யி­ருப்­பது மகிழ்ச்­சியை அளிக்­கி­றது என தெரி­வித்­துள்ளார்.

நீங்கள் அர­சி­ய­லுக்கு வரு­வீர்­க­ளாக என்று அவ­ரிடம் செய்­தி­யா­ளர்கள் கேட்­ட­தற்கு, நடிப்பில் நிறைய சாதிக்க வேண்­டி­யி­ருக்­கி­றது. நடி­கர்­க­ளுக்கும், நாடக நடி­கர்­க­ளுக்கும் நல்­லது செய்­யவே, நடிகர் சங்­கத்தில் பொறுப்­புக்கு வந்­துள்ளேன். அர­சி­ய­லுக்கு வர­மாட்டேன், தேர்­த­லிலும் போட்­டி­யி­ட­மாட்டேன். காவிரி பிரச்­சி­னையில் நடிகர் சங்கம் தலை­யி­டாது என்று நீங்கள் சொன்­ன­தற்கு எதிர்ப்பு கிளம்­பி­யி­ருக்­கி­றதே என்று கேட்­ட­தற்கு.

எனது வீட்டுக்கு முன் போராட்டம் நடத்­தி­யுள்­ளனர். பொலிஸ் பாது­காப்பும் போடப்­பட்­டுள்­ளது. போரா­டு­ப­வர்கள் முதலில் ஏழைப்­பிள்­ளை­களை படிக்க வையுங்கள். காவிரி, இலங்கைத் தமிழர் உள்­ளிட்ட பிரச்­சி­னைக்கு தீர்வு காண்­பது அரசு செய்­ய­வேண்­டிய வேலை. அதற்­கான போராட்­டங்­களில் நடி­கர்கள் தனிப்­பட்ட முறையில் பங்­கேற்­பதில் எனக்கு ஆட்­சே­பனை இல்லை. ஆனால், நடிகர் சங்கம் கலந்­து­கொள்­ளாது. அரசு சார்ந்த விஷ­யங்­களில் நடிகர் சங்கம் பங்­கேற்­காது. நானும் தமிழன்தான், தமிழ் குடிமகன்தான். சென்னையில்தான் பிறந்தேன். காவிரிப்பிரச்சினைக்கு தீர்வு ஏற்படவேண்டும் என்பது என் ஆசை எனத் தெரிவித்துள்ளார்.