உடுவில் பகுதியில் வயோதிப பெண் மர்மான முறையில் கொலை

உடுவில் பகுதியில் தனியே இருந்த வயோதிப பெண்மணி ஒருவர் மர்மான முறையில் கொலை செய்யப்பட்டுள்ளார்.

அதே பகுதியை சேர்ந்த 67 வயதான சிறிதேவி பாலசிங்கம் என்பவரே இவ்வாறு கொலை செய்யப்பட்டுள்ளார்.உடுவில் லவ் லேன்னிற்கு அருகில் குறித்த வீட்டில் குறித்த பெண்மணி தனியே இருந்துள்ளார். இவரது இரு மகன்களும் கொழும்பில் வசித்து வருகின்றனர்.

இந்நிலையில் நேற்று முதல் குறித்த வீட்டில் அப் பெண்மணி இருந்ததிற்கான அசுமாத்தங்கள் எதுவும் இருந்திருக்காத நிலையில் சந்தேகம் கொண்ட ஊரவர் சுண்ணாகம் காவல்துறைக்கு தகவல் தெரிவித்துள்ளனர்.

இதனையடத்து சம்பவ இடத்திற்கு சென்று காவல்துறையினர் பார்த்த போது வீட்டின் முன்பக்க ஐன்னல் கம்பி ஒருவர் உட்செல்லும் அளவுக்கு உடைக்கப்பட்டிருந்துள்ளது.தொடர்ந்து வீட்டின் உள்ளே சென்று பார்த்த போது குறித்த பெண்மணி வாய் மற்றும் கைகள் கட்டப்பட்ட நிலையில் குப்பற இறந்து கிடந்துள்ளார்.

இதனையடுத்து மல்லாகம் நீதிவான் நீதிமன்ற நீதிபதி சடலத்தை பார்வையிட்டதையடுத்து சடலம் பிரேத பரிசோதனைகளுக்காக யாழ் போதனா வைத்தியசாலைக்கு அனுப்பி வைக்கப்பட்டள்ளதுடன் சுன்னாகம் காவல்துறையினர் விசாரனைமேற்கொண்டு வருகின்றனர்