வவுனியா பாவற்குளத்தின் 4 வான்கதவுகள் இன்று ஒரு அடிக்கு திறப்பு

வவுனியா மாவட்டத்தில் பெய்துவரும் கன மழையின் காரணமாக பாவக்குளத்தின் வான் கதவுகள் ஒரு உயரத்திற்கு திறக்கப்பட்டுள்ளதாக வவுனியா மாவட்ட அனர்த்த முகாமைத்துவ பிரிவின் உதவி பணிப்பாளர் என். சூரியராஜா தெரிவித்தார்.

இன்றைய காலநிலையால் ஏற்பட்ட பாதிப்புகள் கருத்துத் தெரிவிக்கையிலேயே அவர் இவ்வாறு குறிப்பிட்டார்.

இதன்போது தொடர்ந்தும் கருத்து தெரிவித்த அவர்,

கனத்த மழை காரணமாக பாவக்குளத்தின் 4 வான்கதவுகளும் இன்று ஒரு அடி உயரத்திற்கு திறந்து விடப்பட்டுள்ளது. இதன் காரணமாக செட்டிகுளத்திற்கு செல்லும் நெளுக்குளம், செட்டிகுளம் வீதி மற்றும் பூவரசன்குளம், செட்டிகுளம் வீதிகள் போன்றவற்றில் போக்குவரத்துக்கு தடை ஏற்படும் வாய்ப்புள்ளதாகவும் தெரிவித்தார்.

மேலும், கந்தசாமி நகர், கிறிஸ்தவகுளம், மீடியாபாம், பாவக்குளம் படிவம் 1 என்பவற்றிற்கு வெள்ள அபாயம் உள்ளதாகவும், இதனால் இப்பகுதி மக்களை அவதானமாக இருக்குமாறும் கோரப்பட்டுள்ளதாகவும் அவர் குறிப்பிட்டார்.